மத்திய அமைச்சராக ஸ்ரீபத் நாயக் பதவியேற்பு

டெல்லி: மத்திய அமைச்சராக கோவா மாநிலத்தைச் சேர்ந்த பாஜக முக்கிய பிரமுகர் ஸ்ரீபத் நாயக் பதவியேற்றுக் கொண்டார்.

17ஆவது மக்களவைத் தேர்தலில் 303 தொகுதிகளில் வெற்றி பெற்று தனிப்பெரும்பான்மையுடன் பாஜக மீண்டும் ஆட்சி அமைத்துள்ளது.

குடியரசுத் தலைவர் மாளிகையில் நடைபெற்ற அமைச்சரவை பதவியேற்பு விழாவில் நரேந்திர மோடிக்கு குடியரசுத் தலைவர் ராம்நாத் கோவிந்த் பிரதமராக பதவிப் பிரமாணமும், ரகசிய காப்பு பிரமாணமும் செய்து வைத்தார்.

இதனைத் தொடர்ந்து, மத்திய அமைச்சரவையில் இடம்பெறுபவர்கள் ஒவ்வொருவராக பதவியேற்று வருகின்றனர்.

அந்த வகையில், கோவா மாநிலத்தைச் சேர்ந்தவரும், பாஜக முக்கிய பிரமுகரான ஸ்ரீபத் நாயக் மத்திய அமைச்சராக பதவியேற்றார்.