மகாராஷ்டிராவில் அந்தேரி பகுதியில் சீப்ஸ் (SEEPZ) அருகே நாயை சிறுத்தை கவ்வும் சிசிடிவி காட்சி வெளியாகியுள்ளது. அதில், படிக்கட்டுகளில் நாய் அமைதியாகப் படுத்து கொண்டிருக்கிறது. அப்போது, மெதுவாக நடந்துவந்த சிறுத்தை, திடீரென்று பாய்ந்து நாயை கவ்வி கீழே இழுத்துவந்தது.
சிறுத்தையின் பிடியில் சிறிது நேரம் நாய் உயிர் தப்பிப்பதற்காக தவித்துக்கொண்டிருந்தது. இதைப் பார்த்த பாதுகாவலர், சிறுத்தையை பயமுறுத்தும் வகையில் சத்தம் போட்டதைத் தொடர்ந்து, நாயை விட்டுவிட்டு ஓடிவிட்டது. பின்னர் சிறுத்தையின் நடமாட்டம் குறித்து வனத் துறைக்கு தகவல் அனுப்பட்டுள்ளது.