'ராஜிவ்காந்தி பயோடெக்னாலஜி மையத்தின் புதிய வளாகத்தின் பெயர் மாற்றுவதை மறுபரிசீலனை செய்க!'

ராஜிவ்காந்தி உயிரி தொழில்நுட்ப மையத்தின், புற்றுநோய் மற்றும் வைரஸ் தொற்றுகளில் சிக்கலான நோய்களுக்கான புதிய வளாகத்திற்கு ஸ்ரீ குருஜி மாதவ் சதாசிவ கோல்வால்கர் பெயரை வைப்பது குறித்து மத்திய அரசு மீண்டும் பரிசீலனை செய்ய வேண்டும் என கேரள முதலமைச்சர் பினராயி விஜயன், மத்திய சுகாதாரத் துறை அமைச்சர் டாக்டர் ஹர்ஷ் வர்தனிடம் வலியுறுத்தியுள்ளார்.

திருவனந்தபுரம்:ராஜிவ்காந்தி உயிரி தொழிநுட்ப மையத்தில் புற்றுநோய் மற்றும் வைரஸ் தொற்றுகளுக்கான சிக்கலான நோய்களுக்கென தனியாக கட்டப்பட்டுள்ள புதிய வளாகத்திற்கு ஸ்ரீ குருஜி மாதவ் சதாசிவ கோல்வால்கர் பெயர் வைக்க முடிவுசெய்துள்ளது குறித்து மத்திய அரசு மறு பரிசீலனை செய்ய வேண்டும் என கேரள முதலமைச்சர் பினராயி விஜயன், மத்திய சுகாதாரத் துறை அமைச்சர் ஹர்ஷ் வர்தணுக்கு கடிதம் ஒன்றை அனுப்பியுள்ளார்.

அதில், கேரள முதலமைச்சர் மத்திய சுகாதாரத் துறை அமைச்சரிடம், புதிய கட்டட வளாகத்திற்கு புதிய இந்திய விஞ்ஞானியின் பெயரை வைக்குமாறு கேட்டுக்கொண்டார்.

இது குறித்து பினராயில் எழுதியுள்ள கடிதத்தில் தெரிவிக்கப்பட்டுள்ளதாவது:

திருவனந்தபுரத்தில் உள்ள ராஜிவ்காந்தி உயிரி தொழிநுட்ப மையத்தில் கட்டப்பட்டுள்ள வளாகத்திற்கு 'ஸ்ரீ குருஜி மாதவ் சதாசிவ கோல்வல்கர் தேசிய புற்றுநோய் மற்றும் வைரஸ் தொற்று நோய்களுக்கான மையம்' என்று பெயரிட திட்டமிடப்பட்டுள்ளதாக ஊடகத்தில் தெரிவிக்கப்பட்டுள்ளது. இந்த நிறுவனம் ஒரு முதன்மை ஆராய்ச்சி நிறுவனம், இது அரசியலுக்கு அப்பாற்பட்டது.

ராஜிவ்காந்தி உயிரி தொழிநுட்பமையம் ஆரம்பத்தில் மாநில அரசின் கட்டுப்பாட்டில் இயங்கியது. இந்த மையமானது ஆராய்ச்சியிலும், வளர்ச்சியிலும் சர்வதேச தரத்தை அடைய வேண்டும் என்ற நோக்கத்துடன் மத்திய அரசிடம் ஒப்படைக்கப்பட்டது.

மேலும் இதைக் கருத்தில்கொண்டு, முன்மொழியப்பட்ட பெயருக்குப் பதிலாக சர்வதேச புகழ்பெற்ற சில இந்திய அறிவியலாளர்களின் பெயர்களை இந்த வளாகத்திற்குச் சூட்ட வேண்டும் என்று கேரள அரசு கருதுகிறது.

இந்தப் புதிய வளாகத்திற்கு ஒரு சிறந்த இந்திய அறிவியலாளரின் பெயரை வைப்பதற்கான எங்கள் திட்டத்தை உங்கள் அமைச்சகம் சாதகமாகப் பரிசீலிக்கும் என்று நம்புகிறேன். இது நிறுவனத்தின் நற்பெயரைத் தக்கவைத்துக் கொள்ளும், பொது களத்தில் சர்ச்சைகளைத் தவிர்க்கவும் உதவும்.

இவ்வாறு அதில் குறிப்பிட்டுள்ளார்.

மேலும், இந்த முடிவு ஏற்கனவே எடுக்கப்பட்டிருந்தாலோ, எடுக்கப்படாமலிருந்தாலோ அதைப் பற்றி சிந்திக்க வேண்டாம் என்றும் விஜயன் அக்கடிதத்தில் தெரிவித்துள்ளார்.