கர்நாடக மாநிலத்தின் வட பகுதியில் உள்ளது ஹூப்ளி மாவட்டம். பெங்களூருவிற்கு அடுத்து இரண்டாவது மிகப்பெரும் நகரப்பகுதியாக விளங்கும் ஹூப்ளி, வட கர்நாடகத்தின் தொழில் முனையமாகவும் திகழ்கின்றது. இந்திய ரயில்வேயின் முக்கிய சந்திப்பாக விளங்கும் ஹூப்ளி, தென்மேற்கு ரயில்வே மண்டலத்தின் தலைநகராக கருதப்படுகிறது.
அத்தகைய ஹூப்ளி ரயில் நிலையத்தை உலகின் நீண்ட தளமாக மாற்றும் முயற்சியில், ஹூப்ளி கோட்ட நிர்வாகம் இறங்கியுள்ளது. தற்போது, இந்த ரயில் நிலையத்தின் நடைபாதை (எண்.1) 550 மீட்டர் நீளம் கொண்டதாக இருக்கிறது. ஐந்து இயங்குதளங்கள் உள்ள இந்த ரயில் நிலையத்திலிருந்து, ஒரே திசையில் அனுப்பும் சூழல் நிலவுகிறது.
இந்நிலையில், ஹூப்ளி ரயில் நிலைய ஆய்வோட்ட பாதையை 1,400 மீட்டர் நீளமும், 10 மீட்டர் அகலமும் கொண்ட முழு தளமாக புதுப்பிக்கும் பணிகளை ரயில்வே கோட்டம் தொடங்கி உள்ளது. ஹூப்ளி மற்றும் பெங்களூரு இடையே இரட்டிப்பாக்கலின் ஒரு பகுதியாக இந்த பணி மேற்கொள்ளப்பட்டு வருகிறது.
முன்னதாக, நிலையத்திற்குள் நுழைய இரண்டு உள் நுழைவு வழிகள் இருக்கும் நிலையில், தற்போது மற்றொரு நுழைவு பாதையும் கட்டப்பட்டு வருகிறது. அதே போல, தற்போதுள்ள 5 தடங்கள், 8 தடங்களாக அதிகரிக்க முழுமையாக மறுவடிவமைத்தல் நடந்துவருகிறது.
பணி முற்றம், சமிக்ஞைகள், மின் கம்பிகள், கட்டடம் விரிவாக்கம் உள்ளிட்ட பிற பணிகளுக்கு 90 கோடி ரூபாய் நிதி ஒதுக்கப்பட்டுள்ளது. தொடர்ந்து நடைபெற்று வருகின்ற இப்பணிகள் அடுத்த ஆண்டிற்குள் நிறைவுறும் என எதிர்ப்பார்ப்படுகிறது. இப்புதுப்பிப்பு பணிகள் நிறைவடைந்தால், உலகின் மிக நீண்ட ரயில் தளமாக ஹூப்ளி அடையாளப்படுத்தப்படும் என்பது குறிப்பிடத்தக்கது.
