மோடியின் தேர்தல் பரப்புரை: காஷ்மீர் விவகாரத்திற்கு முக்கியத்துவம்; விவசாய பிரச்னைகளுக்கு பின்னடைவு!

சண்டிகர்: தேர்தல் பரப்புரையின்போது பிரதமர் மோடி காஷ்மீர் விவகாரத்திற்கு தொடர்ந்து முக்கியத்துவம் அளித்து வருவதும் விவசாய பிரச்னைகள் குறித்து குரல் எழுப்பாமல் இருப்பதும் முக்கிய பிரச்னைகளை மடைமாற்றுவதற்கான செயல் என சமூக ஆர்வலர்கள் குற்றம் சாட்டியுள்ளனர்.

ஹரியானா, மகாராஷ்டிரா ஆகிய மாநிலங்களில் சட்டப்பேரவைத் தேர்தல் நாளை மறுநாள் நடைபெறவுள்ளது. இதனால், இந்த இரண்டு மாநிலங்களிலும் பிரதமர் மோடி சூறாவளி பரப்புரை மேற்கொண்டார். தேசிய பாதுகாப்பு, காஷ்மீர் போன்ற விவகாரங்களுக்கு முக்கியத்துவம் தந்து மோடி இந்த பரப்புரைகளில் தொடர்ந்து பேசிவந்தார்.

ஆனால், விவசாய பிரச்னைகளை அவர் எழுப்பாமல் இருப்பது பெரும் ஏமாற்றத்தை தருவதாகவும் இது முக்கிய பிரச்னைகளை மடைமாற்றுவதற்கான செயல் எனவும் சமூக ஆர்வலர்கள் குற்றம் சாட்டியுள்ளனர். கடந்த நான்கு ஆண்டுகளாக பாஜக ஆளும் மகாராஷ்டிராவில் தினமும் எட்டு விவசாயிகள் தற்கொலை செய்து கொண்டதாக தகவல் அறியும் உரிமைச் சட்டத்தின் கீழ் வெளியான தகவல் பரபரப்பை ஏற்படுத்தியுள்ளது.

இந்நிலையில், ஹரியானா மாநிலம் சிர்சா மாவட்டத்தில் நடந்த தேர்தல் பரப்புரையில், "காஷ்மீருக்கு அளிக்கப்பட்ட சிறப்பு தகுதி தற்காலிகமானது, 70 ஆண்டுகளாக காங்கிரஸ் இதுகுறித்து ஒன்றும் செய்யவில்லை. இதனால், காஷ்மீரைச் சேர்ந்த மக்கள் பெரிதும் பாதிப்படைந்தனர். காஷ்மீரில் உள்ள பல பகுதிகளை பாகிஸ்தான் ஆக்கிரமித்தபோதுகூட காங்கிரஸ் ஒன்றும் செய்யவில்லை" என மோடி தெரிவித்துள்ளார்.

இதையும் படிங்க: