பெரும் பணக்காரர்களின் வரி குறைக்கப்படுமா?

டெல்லி: பெரும் பணக்காரர்களுக்கு உயர்த்தப்பட்டுள்ள வரி குறைக்கப்படுமா என்பது குறித்து 2022ஆம் ஆண்டு முடிவு செய்யப்படும் என மத்திய நிதியமைச்சர் நிர்மலா சீதாராமன் தெரிவித்துள்ளார்.

நடப்பாண்டுக்கான நிதி நிலை அறிக்கையில் மத்திய நிதியமைச்சர் நிர்மலா சீதாராமன் பல முக்கிய அறிவிப்புகளை அறிவித்திருந்தார். ஆனால், நாட்டின் பொருளாதார நிலை மந்தமடைந்துள்ளதாகக் குற்றச்சாட்டு எழுந்தது. இதற்கு பதிலளிக்கும் வகையில் நேற்று நிர்மலா சீதாராமன் செய்தியாளர் சந்திப்பு நடத்தினார்.

இதில் , பெரும் பணக்காரர்களுக்கு உயர்த்தப்பட்டிருக்கும் வரி குறைக்கப்படுமா என்பது குறித்து 2022ஆம் ஆண்டுதான் முடிவு செய்யப்படும் என நிர்மலா சீதாராமன் தெரிவித்தார். பெரும் பணக்காரர்களுக்கு வரி 15 விழுக்காட்டிலிருந்து 25 விழுக்காடாக உயர்த்தப்பட்டது குறிப்பிடத்தக்கது.