தெலங்கானா மாநிலம் வாரங்கல்லைச் சேர்ந்தவர் சேகர், இவரது மனைவி சுமதி (பெயர்கள் மாற்றப்பட்டுள்ளன). இத்தம்பதிக்கு பெண் குழந்தை உள்ளது. கடந்த ஜூன் 9ஆம் தேதி சுமதி தனது குழந்தையுடன் வீட்டில் தூங்கிக் கொண்டிருந்தார்.
அப்போது, அதே பகுதியைச் சேர்ந்த பிரவீன் என்பவர் தூங்கிக் கொண்டிருந்த குழந்தையை தூக்கிச் சென்று வேறு இடத்தில் வைத்து பாலியல் வல்லுறவு செய்துள்ளார். இதுகுறித்து, சுமதி காவல் நிலையத்தில் புகார் அளித்தார்.
புகாரின்பேரில் வழக்குப்பதிவு செய்த காவல் துறையினர் பிரவீனை கைது செய்து தீவிர விசாரணை மேற்கொண்டு நீதிமன்றத்தில் ஆஜர்படுத்தினர். இந்த வழக்கை விசாரித்துவந்த வாரங்கல் மாவட்ட கூடுதல் நீதிமன்றம் குற்றவாளி பிரவீனுக்கு மரண தண்டனை வழங்கியுள்ளது.
கைது செய்யப்பட்ட 50 நாட்களிலேயே 9 மாத குழந்தையை பாலியல் வல்லுறவு செய்தவருக்கு நீதிமன்றம் விரைந்து செயல்பட்டு தண்டனை வழங்கியிருப்பது நீதித் துறை மீது மக்களுக்கு நம்பிக்கையை அதிகரித்துள்ளது.
