புதுச்சேரி சுகாதாரத் துறை அமைச்சர் மல்லாடி கிருஷ்ணா ராவ் காணொளி ஒன்றை வெளியிட்டார். அதில், "ஏனாம் தொழிலாளர்களை ஊருக்குள் அனுமதிக்க முயற்சித்த முதல்வர் நாராயணசாமிக்கு நன்றியை தெரிவித்துக் கொள்கிறேன். முதலமைச்சரின் முயற்சியால் ஒட்டுமொத்த இந்தியாவிற்கே அனுமதி கிடைத்துள்ளது.
புதுச்சேரியை பொருத்தவரை 3 பேருக்கு மட்டுமே தொற்று உள்ளது தற்போது 2,628 பேருக்கு சோதனை நடத்தியதில் 2 ஆயிரத்து 150 பேருக்கு தோற்று இல்லை என தெரியவந்துள்ளது. இன்னும் 70 பேருக்கு ஆய்வு முடிவுகள் வர வேண்டியுள்ளன. குறிப்பாக புதுச்சேரி மாநிலத்தில் 13 லட்சத்து 4 ஆயிரத்து 200 பேரிடம் மருத்துவ ஆய்வு நடத்தப்பட்டது. சுமார் 95 விழுக்காடு மக்களுக்கு ஆய்வு நடத்தப்பட்டுள்ளது.