71ஆவது குடியரசு தினம் நாட்டின் பல்வேறு பகுதிகளில் கோலகலமாகக் கொண்டாடப்பட்டுவருகிறது. டெல்லி ராஜபாதையில் இன்று காலை குடியரசுத் தலைவர் ராம்நாத் கோவிந்த் தேசியக்கொடியை பறக்கவிட்டார்.
இந்நிலையில், பிரதமர் நரேந்திர மோடியை கிண்டல் செய்யும் வகையில், காங்கிரஸ் கட்சி தனது சமூக வலைதளங்களில் கருத்து பதிவிட்டுள்ளது. அதில், இந்திய அரசியலமைப்பு பிரதியை அமேசான் தளத்திலிருந்து பிரதமர் மோடிக்கு ஆர்டர் செய்துள்ளது போன்ற படம் ஒன்றை காங்கிரஸ் பதிவிட்டுள்ளது.