இந்திய ராணுவத்தால் கொல்லப்பட்ட பாகிஸ்தான் பயங்கரவாதிகளின் உடல்கள் கண்டுபிடிப்பு!

ஸ்ரீநகர்: இந்திய ராணுவத்தால் கொல்லப்பட்ட பாகிஸ்தான் ராணுவத்தினர் உடல்கள் ஜம்மு-காஷ்மீரில் கண்டுபிடிக்கப்பட்டுள்ளன.

ஜம்மு-காஷ்மீருக்கு வழங்கப்பட்ட சிறப்பு அந்தஸ்து நீக்கப்பட்டதைத் தொடர்ந்து, இந்தியா-பாகிஸ்தான் நாடுகளுக்கிடையே பதற்றம் நிலவி வந்தது. பாகிஸ்தான் ராணுவத்தினர் இந்திய எல்லை பகுதிகளில் அத்துமீறி நுழைந்து தொடர் தாக்குதல்களில் ஈடுபட்டுவந்தனர். இதற்கு இந்திய ராணுவமும் தக்க பதிலடியை கொடுத்தது.

இதனிடையே, ஆகஸ்ட் மாதத்தில் நடந்த தாக்குதலில் உயிரிழந்த பாகிஸ்தான் ராணுவத்தினரின் உடல்கள் ஜம்மு-காஷ்மீர் மாநிலம் குப்வாரா பகுதியில் கண்டெடுக்கப்பட்டுள்ளன.

இரு நாடுகளும் அமைதியை கடைபிடிக்க வேண்டும் என உலக நாடுகள் கோரிக்கை விடுத்துவரும் நிலையில், ரயில் போக்குவரத்து, வர்த்தகம் ஆகிய அனைத்தையும் பாகிஸ்தான் அரசு இந்தியாவுடன் நிறுத்திக்கொண்டது குறிப்பிடத்தக்கது.