அரசு மருத்துவமனையில் கேன்சர் பிரிவு தொடங்க சட்டப்பேரவை மதிப்பீட்டு குழு பரித்துரை

புதுச்சேரி: அரசு மருத்துவமனையில் கேன்சர் பிரிவு தொடங்க அரசுக்கு சட்டப்பேரவை மதிப்பீட்டுக் குழு பரித்துரைத்துள்ளது.

அரசுப் பொது மருத்துவமனையின் உள்ள குறைகளைக் கண்டறிய புதுச்சேரி சட்டப்பேரவை மதிப்பீட்டுக் குழுவை சார்ந்த ஏழு சட்டப்பேரவை உறுப்பினர்கள்,குழுவின் தலைவரும் அதிமுக கட்சி தலைவருமான அன்பழகன் தலைமையில் இன்று ஆய்வு செய்தனர்.

பின்பு மருத்துவமனை வளாகத்தில் மதிப்பீட்டுக் குழுவினருடன் தலைமை மருத்துவக் கண்காணிப்பாளர், சுகாதார துறை அலுவலர்கள், மருத்துவர்கள் ஆகியோர் ஆலோசனை மேற்கொண்டனர். இக்குழவில் சட்டப்பேரவை உறுப்பினர்கள் ஜெயமுர்த்தி, விஜயவேனி, கீதா ஆனந்தன், வெங்கடேசன், அசானா, சங்கர் ஆகியோர் பங்கேற்றனர்.

இதில் ஆரம்ப சுகாதார நிலையங்களில் தரம் உயர்த்தப்பட வேண்டும், உயிர் காக்கும் மருந்துகள் ஆரம்ப சுகாதார நிலையங்களுக்கு வழங்க வேண்டும், ஜிப்மர் போல புதுச்சேரி அரசு மருத்துவமனையிலும் கேன்சர் பிரிவு தனியாக தொடங்க வேண்டும் போன்ற கோரிக்கைகளை முன்வைத்து அரசுக்குப் பரிந்துரைக்க ஆலோசிக்கப்பட்டது.

இதனையும் படிங்க: ‘அனைவருக்கும் வீடு’ திட்டம் எப்போது நிறைவேற்றப்படும்? - மத்திய அரசுக்கு உயர் நீதிமன்றம் கேள்வி