நாட்டின் அந்நிய நேரடி முதலீடு குறித்து மத்திய அரசு முக்கியப் புள்ளிவிவரத்தை வெளியிட்டுள்ளது. அதன்படி, 2019ஆம் ஆண்டு ஏப்ரல்-செப்டம்பர் காலாண்டில் நாட்டின் மொத்த அந்நிய நேரடி முதலீடு 19 லட்சம் கோடி ரூபாயாக (26 பில்லியன் டாலர்) இருந்த நிலையில், நடப்பு நிதியாண்டில் இதே காலாண்டில் சுமார் 2.2 லட்சம் கோடி ரூபாயாக (30 பில்லியன் டாலர்) உயர்வைச் சந்தித்துள்ளது.
இதில் அதிகளவிலான அந்நிய முதலீடு மொரீஷியஸ், சிங்கப்பூர் நாடுகளிலிருந்து வந்துள்ளன. மொரீஷியஸ் 29 விழுக்காடும், சிங்கப்பூர் 21 விழுக்காடும் பங்களிப்பை மேற்கொண்டுள்ளன. அதற்கு அடுத்த இடங்களில் அமெரிக்கா, நெதர்லாந்து, ஜப்பான் ஆகிய நாடுகள் உள்ளன.
அதேபோல் அதிக முதலீடு கண்ட துறைகளின் பட்டியலில் சேவைத் துறை முதலிடத்தில் உள்ளது. அதற்கு அடுத்த இடங்களில் நிதித் துறை, வங்கித் துறை, காப்பீட்டுத் துறை, கணினி மென்பொருள், தொலைத்தொடர்பு ஆகியவை உள்ளன.