டெல்லி: டெல்லியில் விவசாயிகள் போராட்டம் நாளுக்கு நாள் வலுத்துவரும் நிலையில், வேளாண் சட்டங்களை திரும்ப பெறக்கோரி டெல்லி பார் கவுன்சில் சார்பாக பிரதமர் நரேந்திர மோடிக்கு கடிதம் எழுதியுள்ளது நாடு தழுவிய அளவில் கவனம் பெற்றுள்ளது.
மத்திய அரசின் வேளாண் சட்டங்களுக்கு எதிராக டெல்லியில் விவசாயிகள் தொடர் போராட்டங்களை நடத்திவருகின்றனர். இந்தப் போராட்டம் 7ஆவது நாளாக இன்றும் தொடர்ந்தது.
இந்நிலையில், டெல்லி பார் கவுன்சில் சார்பில் பிரதமர் நரேந்திர மோடிக்கு கடிதம் ஒன்று எழுதப்பட்டுள்ளது. அந்தக் கடிதத்தில், மத்திய அரசு கொண்டுவந்துள்ள வேளாண் சட்டங்களை திரும்ப பெற வேண்டும் என வலியுறுத்தப்பட்டுள்ளது.