பெங்களூருவில் மற்றுமொரு மூன்று மாடி கட்டடம் இடிந்து விழுந்தது

பெங்களூர் வில்சன் கார்டன் பகுதியில் நேற்று மூன்று மாடிக்கட்டடம் இடிந்து விழுந்த நிலையில், இன்று மற்றுமொரு அடுக்குமாடி கட்டிடம் இடிந்துவிழுந்துள்ளது.

பெங்களூர்:பெங்களூரில் உள்ள வில்சன் கார்டன் பகுதியில் மூன்றுமாடிக் கட்டடம் நேற்று காலை 11 மணியளவில் சரிந்து விழுந்தது. இந்தக்கட்டிடம் மோசமான நிலையில் இருந்ததால், அதில், வசித்தவர்கள் வீடுகளை முன்னதாக காலிசெய்திருந்தனர்.

இதனால், உயிர்சேதம் ஏதும் ஏற்படவில்லை. இந்த விவகாரம் தொடர்பாக வீட்டின் உரிமையாளர் மீது காவல்துறையினர் வழக்குப்பதிவு செய்து விசாரணை நடத்திவருகின்றனர்.

இந்தச்சூழ்நிலையில், பெங்களூரு சிலிக்கான் நகரில் மற்றுமொரு அடுக்குமாடி கட்டிடம் இன்று இடிந்து விழுந்தது. இந்தக்கட்டிடத்தில், 18 குடும்பங்கள் இருந்ததாக கூறப்படுகிறது. தீயணைப்பு வீரர்கள் சம்பவ இடத்திற்கு விரைந்து இடிபாடுகளை அப்புறப்படுத்தும் பணிகளில் ஈடுபட்டுவருகின்றனர்.

இதையும் படிங்க:அடுக்குமாடி வீடு சரிந்து விழும் அதிர்ச்சி வீடியோ