மளையாள நடிகர் ஶ்ரீஜித் போக்சோவில் கைது!

ஆபாசமாக தோன்றிய புகாரில் மளையாள நடிகர் ஶ்ரீஜித் ரவி போக்சோ சட்டத்தில் கைது செய்யப்பட்டுள்ளார்.

திரிச்சூர்: மலையாளம், தமிழ் உள்ளிட்ட மொழிகளில் நூற்றுக்கும் மேற்பட்ட படங்களில் நடித்தவர் நடிகர் ஶ்ரீஜித் ரவி. இவர் கடந்த மூன்று நாட்களுக்கு முன்பு கேரள மாநிலம் திரிச்சூரில் உள்ள எஸ்என் பூங்காவில், சிறுமிகள் முன்பு நிர்வாணமாக காட்சியளித்ததாக தெரிகிறது. இதுதொடர்பாக 14 மற்றும் 9 வயது சிறுமிகள் போலீசில் புகார் அளித்துள்ளனர்.

கருப்பு நிற காரில் வந்த நபர் ஒருவர், தங்கள் முன்பு நிர்வாணமாக தோன்றியதாகவும், ஆபாசமாக பேசியதாகவும் புகாரில் தெரிவித்துள்ளனர்.

இதுதொடர்பாக வழக்குப்பதிவு செய்த போலீசார், பூங்காவில் இருந்த சிசிடிவி காட்சிகள் மூலம், ஸ்ரீஜித்தையும் அவரது காரையும் அடையாளம் கண்டுள்ளனர். இதையடுத்து, நடிகர் ஶ்ரீஜித் ரவியை போலீசார் போக்சோ சட்டத்தில் கைது செய்தனர்.

ஶ்ரீஜித் ரவி கடந்த 2016ஆம் ஆண்டு, இதே போன்ற குற்றச்சாட்டில் கைதாகி, பின்னர் ஜாமீனில் வெளிவந்தது குறிப்பிடத்தக்கது.