கொல்கத்தா: மேற்கு வங்க மாநிலத்தில் இளைஞர் ஒருவர் இளம்பெண்களை திருமணம் செய்துவிட்டு, ஓரிரு நாள்களில் அவர்களின் நகைகளுடன் தலைமறைவாகி வருவதாக பல்வேறு புகார்கள் எழுந்தன. குறிப்பாக சாகர்திகி காவல் நிலையத்தில் இளம்பெண் ஒருவர் தன்னை மோதிலால் என்பவர் திருமணம் செய்துவிட்டு ஏமாற்றியதாகவும், தனது நகைகளை கொள்ளையடித்து சென்றதாகவும் புகார் அளித்தார். அந்த புகாரின் அடிப்படையில் வழக்குப்பதிவு செய்த போலீசார் தீவிர விசாரணையில் ஈடுபட்டனர்.
இதனிடையே பல நாட்களாக செயல்படாமலிருந்த அந்த இளைஞரின் செல்போன் எண் திடீரென செயல்பட்டுள்ளது. இதனை உடனே பயன்படுத்திக்கொண்ட போலீசார் செல்போன் டவர் மூலம் டிராக் செய்து அந்த இளைஞனை கைது செய்தனர். அவரிடம் நடத்தப்பட்ட விசாரணையில், அவரது பெயர் அசாபுல் மொல்லா என்பதும் 28 வயதில் 24 திருமணம் செய்துவந்ததும் தெரியவந்தது.