டெல்லி :நாடாளுமன்ற குளிர் கால கூட்டத் தொடர் கடந்த டிசம்பர் 4ஆம் தேதி முதல் தொடங்கி நடைபெற்று வருகிறது. இந்நிலையில், நேற்று (டிச. 13) 2021ஆம் ஆண்டு நாடாளுமன்றம் தாக்குதல் நினைவு தினம் நாடாளுமன்றத்தில் அனுசரிக்கப்பட்டது. தொடர்ந்து அவை கூடிய நிலையில், பார்வையாளர்கள் பகுதியில் இருந்த இரண்டு பேர் மக்களவை எம்.பிக்கள் இருப்பிடத்தில் புகுந்து களேபரத்தில் ஈடுபட்டனர்.
இந்த விவகாரம் தொடர்பாக நாடளுமன்றத்திற்கு உள்ளேயும், வெளியேயும் பாதுகாப்பு குளறுபடிகளை ஏற்படுத்திய 4 பேரை பாதுகாப்பு படையினர் கைது செய்தனர். இந்த விவகாரத்தில் 6 பேருக்கு தொடர்பு இருப்பதாக டெல்லி போலீசார் தெரிவித்து உள்ள நிலையில் 4 பேர் கைது செய்யப்பட்டு உள்ள நிலையில், தலைமறைவான இருவரை தேடும் பணி தீவிரப்படுத்தப்பட்டு உள்ளது.
இந்த சம்பவத்தை தொடர்ந்து மக்களவையில் மறுஅறிவிப்பு வரும் வரை பார்வையாளர்களுக்கு அனுமதி இல்லை என மக்களவை சபாநாயகர் ஓம் பிர்லா உத்தரவிட்டார். இந்நிலையில் இன்று (டிச. 15) வழக்கம் போல் 11வது நாள் நாடாளுமன்றம் கூடியது. அவை கூடியது முதலே மக்களவை மற்றும் மாநிலங்களவையில் எதிர்க்கட்சி எம்.பிக்கள், பாதுகாப்பு குளறுபடிகள் குறித்து மத்திய உள்துறை அமைச்சகம் பதிலளிக்கக் கோரி தொடர் அமளியில் ஈடுபட்டனர்.