குஷிநகர் (உத்தரப்பிரதேசம்): உத்தரப்பிரதேச மாநிலம் குஷிநகரில் உள்ள நெபுவா நௌரங்கியா காவல்நிலையத்தின் எல்லைக்குட்பட்ட பகுதியில் பரமேஷ்வர் குஷ்வாகா என்பவரது இல்லத்தில் திருமண நிகழ்வு நடைபெற்றுள்ளது. விழாவில் கலந்து கொண்ட 13 பெண்கள் அங்கு உள்ள கிணற்றில் தவறி விழுந்துள்ளனர்.
இரவு 10 மணி அளவில் கிணற்றின் மேற்சுவரில் அந்த 13பெண்களும் அமர்ந்து நிகழ்ச்சியை வேடிக்கை பார்த்துக் கொண்டிருந்த போது கிணற்றின் சுவர் பாரம் தாங்காமல் இடிந்து விழுந்து அனைவரும் கிணற்றுக்குள் தவறி விழுந்தனர். இந்த நிகழ்ச்சியில் 50-60 பெண்கள் கலந்து கொண்டனர்.
குஷிநகரின் மாவட்ட ஆட்சியர் எஸ் ராஜலிங்கம் கூறுகையில், தற்செயலாகக் கிணற்றில் தவறி விழுந்ததில் 11 பேர் உயிரிழந்துள்ளதுடன் மேலும் இருவர் படுகாயமடைந்துள்ளதாகத் தெரியவந்துள்ளது. திருமண நிகழ்ச்சியின் போது சிலர் கிணற்றின் பலகையில் அமர்ந்திருந்தபோது, அதிக பாரம் ஏற்றியதால், பலகை உடைந்து விழுந்தது. இறந்தவர்களின் குடும்பத்திற்கு 4 லட்சம் ரூபாய் நிவாரணம் வழங்கப்படும் எனத் தெரிவித்தார்.