ஏலத்தில் எடுத்த ஜீப் எஞ்ஜினை மாற்றி மோசடி.. ரூ.1.10 லட்சம் நஷ்ட ஈடு வழங்க நுகர்வோர் நீதிமன்றம் தீர்ப்பு! - Virudhunagar consumer court

Virudhunagar consumer court: திண்டுக்கல் அருகே தனியார் ஏலத்தில் எடுக்கப்பட்ட காரின் எஞ்ஜின் மாற்றப்பட்ட விவகாரம் தொடர்பாக வழக்கு தொடரப்பட்ட வழக்கில் மனுதாரருக்கு ரூ.1.10 லட்சம் இழப்பீடு வழங்க விருதுநகர் நுகர்வோர் நீதிமன்றம் தீர்ப்பளித்துள்ளது.

விருதுநகர்:சிவகாசியை சேர்ந்த முத்துகிருஷ்ணன் என்பவர் கடந்த 2023 ஆம் ஆண்டு திண்டுக்கல்லில் உள்ள ஸ்ரீராம் ஆட்டோமால் பிரைவேட் லிமிடெட் என்ற பழைய வாகனம் விற்பனை செய்யும் நிறுவனத்தில் மஹிந்திரா பொலிரோ ஜீப், 2,66,136 ரூபாயை செலுத்தி ஏலத்தில் எடுத்துள்ளார்.

வாங்கிய ஜீப்பில் பழுது ஏதும் உள்ளதா? என சிவகாசியில் உள்ள மெக்கானிக்கிடம் கொடுத்து சோதித்தபோது, அந்த ஜீப்பினுடைய எஞ்சின் அதற்கு உடையது இல்லை எனவும் மற்றொரு வாகனத்தினுடைய என்ஜின் எனவும் மெக்கானிக் தெரிவித்துள்ளார்.

இதுகுறித்து ஜீப் வாங்கிய நிறுவனத்திடம் கேட்டபோது முறையான பதில் அளிக்காததால், இது தொடர்பாக கடந்த ஜனவரி மாதம் ஸ்ரீவில்லிபுத்தூர் மாவட்ட நுகர்வோர் குறைதீர் ஆணைய நீதிமன்றத்தில் முத்துகிருஷ்ணன் வழக்கு தொடர்ந்தார்.

இந்த வழக்கை விசாரித்த நீதிபதி சக்கரவர்த்தி, "ஸ்ரீராம் ஆட்டோமால் பிரைவேட் லிமிடெட் நிறுவனம்
ஜீப்பை திரும்ப பெற்றுக் கொண்டு, 2,66,136 ரூபாயை புகார்தாரர் முத்துகிருஷ்ணனிடம் செலுத்த வேண்டும் எனவும், அவரது மன உளைச்சலுக்கு ஒரு லட்சம் ரூபாயும், வழக்கு செலவு தொகையாக ரூ.10 ஆயிரம் வழங்க வேண்டும்" என உத்தரவிட்டார்.

ஈடிவி பாரத் தமிழ்நாடு (Credits - ETV Bharat Tamil Nadu)

ஈடிவி பாரத் தமிழ் வாட்ஸ் அப் சேனில் இணைய இங்கே க்ளிக் செய்யவும்

இதையும் படிங்க:நேற்று டிரைவர்.. இன்று கிளீனர்.. மதுரை ஆம்னி பேருந்து நிலையத்தில் அரங்கேறுவது என்ன?