மாற்றுத்திறனாளி பெண்ணின் கோரிக்கையை நிறைவேற்றிய புதுக்கோட்டை தவெக! - tvk fulfill disabled woman demands

புதுக்கோட்டை மாவட்டத்தைச் சேர்ந்த மாற்றுத்திறனாளி பெண்ணின் நீண்ட நாள் கோரிக்கையான கழிவறையை தமிழக வெற்றிக் கழக நிர்வாகிகள் கட்டி கொடுத்துள்ளனர்.

புதுக்கோட்டை: புதுக்கோட்டை மாவட்டம், வண்டிப்பேட்டை பகுதியைச் சேர்ந்தவர் மாற்றுத்திறனாளி பெண் புவனேஸ்வரி (42). இவரின் கணவர் சுரேஷ் குமார் கடந்த 5 ஆண்டுகளுக்கு முன்பு உடல் நலக்குறைவால் உயிரிழந்தார். இதையடுத்து, தனியாக வசித்து வரும் புவனேஸ்வரி, தனது வீட்டில் கழிவறை வசதி இல்லாமல் மிகுந்த சிரமத்திற்குள்ளாகி வந்துள்ளார்.

இதனைத் தொடர்ந்து, புவனேஸ்வரி தமிழக வெற்றிக் கழக மாவட்ட பொறுப்பாளர் பர்வேஸ்ஸைச் சந்தித்து, தனக்கு கழிவறை கட்டித் தர வேண்டும் என ஏற்கனவே கோரிக்கை வைத்துள்ளார். இப்பெண்ணின் கோரிக்கையை ஏற்று, தமிழக வெற்றிக் கழக புதுக்கோட்டை மாவட்ட பொறுப்பாளர் பர்வேஸ், புதிய கழிவறையைக் கட்டி மாற்றுத்திறனாளி பெண்ணின் பயன்பாட்டுக்கு கொடுத்தார்.

இதையும் படிங்க :அன்னபூர்ணா விவகாரத்தை பூதாகரமாக்கி விட்டார்கள்.. பிரேமலதா விஜயகாந்த்! - Premalatha Vijayakanth

அப்போது அப்பெண் கைகூப்பி அவருக்கு நன்றி தெரிவித்துக் கொண்டார். அப்போது மாவட்ட பொறுப்பாளர் பர்வேஸ் மாற்றுத்திறனாளி பெண்ணுக்கு ஆறுதல் கூறி, தேவைப்படும் உதவிகளை செய்து தருவதாக உறுதியளித்தார். இதனைத் தொடர்ந்து பேசிய மாற்றுத்திறனாளி பெண் புவனேஸ்வரி, "தனது கோரிக்கையை நிறைவேற்றிய தமிழக வெற்றிக் கழக நிர்வாகிகளுக்கு நன்றி. நான் தமிழக வெற்றிக் கழகத்தில் இணைய உள்ளேன்” என தெரிவித்தார்.