சென்னை:வடசென்னை திருவொற்றியூர் சத்திய மூர்த்தி நகர் பகுதியை சேர்ந்தவர் ரவுடி லோகேஷ்(32). இவர் மீது பல வழக்குகள் நிலுவையில் உள்ள நிலையில் சரித்திர பதிவேடு குற்றவாளியாக உள்ளார். இந்நிலையில் புதுவண்ணாரப்பேட்டையில் நேற்று தனது நண்பர்களுடன் மது அருந்தியதாக கூறப்படுகிறது.
அப்போது அங்கு வந்த சொட்டை பிரகாஷ் என்பவர் லோகஷின் நண்பரான கானாங்கத்தை ராஜ் என்பவருடன் சண்டையிட்டதாக கூறப்படுகிறது. இதனை கண்ட லோகேஷ் பிரகாஷை அடித்து அனுப்பி வைத்துள்ளார்.
இதில் ஆத்திரமடைந்த பிரகாஷ், லோகேஷ்-யை பின் தொடர்ந்து சென்றதாக கூறப்படுகிறது.
அப்பொது பாலகிருஷ்ணா நகர் பகுதியில் தனியாக இருந்த லோகேஷை பிரகாஷ் தனது கூட்டாளிகளுடன் சரமாரியாக வெட்டியதாக கூறப்படுகிறது. இந்த சம்பவத்தில், தலை கை கால்கள் என படுகாயமடைந்த லோகேஷ் சம்பவ இடத்திலேயே பரிதாபமாக உயிரிழந்தார்.