ਮੁਕਤਸਰ: 5 ਸਾਲਾ ਬੱਚੀ ਨਾਲ ਜਬਰ ਜਨਾਹ ਦੀ ਕੋਸ਼ਿਸ਼ - girl

ਮੁਕਤਸਰ ਦੇ ਇੱਕ ਮੁਹੱਲੇ ਵਿੱਚ ਰਹਿਣ ਵਾਲੇ ਪੁਲਿਸ ਕਰਮਚਾਰੀ ਦੇ ਬੇਟੇ ਵੱਲੋਂ ਪੰਜ ਸਾਲਾ ਬੱਚੀ ਨਾਲ ਕਥਿਤ ਤੌਰ 'ਤੇ ਜਿਣਸੀ ਸ਼ੋਸ਼ਣ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਸੋਮਵਾਰ ਦੀ ਸਵੇਰ ਬੱਚੀ ਗਲੀ ਵਿੱਚ ਖੇਡ ਰਹੀ ਸੀ, ਜਿਸ ਨੂੰ ਗੁਰਦਿੱਤਾ ਸਿੰਘ ਨਾਂਅ ਦਾ ਸ਼ਖ਼ਸ ਜਬਰਨ ਚੁੱਕ ਕੇ ਘਰ ਲੈ ਗਿਆ। ਘਰ ਪਹੁੰਚਣ 'ਤੇ ਬੱਚੀ ਨੇ ਪੂਰੀ ਘਟਨਾ ਦੱਸੀ। ਇਸ ਦੀ ਸ਼ਿਕਾਇਤ ਬੱਚੀ ਦੇ ਮਾਪਿਆਂ ਵੱਲੋਂ ਪੁਲਿਸ ਨੂੰ ਦੇ ਦਿੱਤੀ ਗਈ ਹੈ। ਥਾਣਾ ਸਿਟੀ ਪੁਲਿਸ ਨੇ ਸ਼ਿਕਾਇਤ 'ਤੇ ਕਾਰਵਾਈ ਕਰਦੇ ਹੋਏ ਮੁਲਜ਼ਮ ਗੁਰਦਿੱਤਾ ਸਿੰਘ ਉਰਫ਼ ਗੋਰਾ ਦੇ ਖਿਲਾਫ਼ ਮਾਮਲਾ ਦਰਜ ਕਰ ਲਿਆ ਹੈ।