ਪੁਲਿਸ ਨੇ ਸੁਲਝਾਈ ਗੰਨ ਹਾਊਸ ’ਚ ਹੋਈ ਹਥਿਆਰਾਂ ਦੀ ਚੋਰੀ, ਤਿੰਨ ਮੁਲਜ਼ਮ ਕਾਬੂ

ਤਰਨਤਾਰਨ: ਦੋ ਮਹੀਨੇ ਪਹਿਲਾਂ ਖਡੂਰ ਸਾਹਿਬ ਵਿਖੇ ਅਣਪਛਾਤੇ ਵਿਅਕਤੀਆਂ ਵੱਲੋਂ ਗੰਨ ਹਾਊਸ 'ਚ ਹਥਿਆਰਾਂ ਦੀ ਚੋਰੀ ਦੀ ਵਾਰਦਾਤ ਹੋਈ ਸੀ ਜਿਸ ਨੂੰ ਪੁਲਿਸ ਨੇ ਸੁਲਝਾ ਲਿਆ ਹੈ। ਇਸ ਮਾਮਲੇ 'ਚ ਪੁਲਿਸ ਨੇ ਤਿੰਨ ਵਿਅਕਤੀਆਂ ਨੂੰ 9 ਏਅਰ ਗੰਨਾਂ ਅਤੇ ਭਾਰੀ ਮਾਤਰਾ 'ਚ ਰੌਂਦ ਸਣੇ ਕਾਬੂ ਕੀਤਾ ਹੈ। ਐਸਐ.ਸਪੀ ਧਰੁਮਣ ਐਚ ਨਿੰਬਲੇ ਨੇ ਦੱਸਿਆ ਕਿ ਇਸ ਮਾਮਲੇ ਨੂੰ ਸੀਸੀਟੀਵੀ ਫੁਟੇਜ ਅਤੇ ਟੈਕਨੀਕਲ ਟੀਮ ਦੀ ਮਦਦ ਨਾਲ ਹੱਲ ਕਰਕੇ ਮੁਲਜ਼ਮਾਂ ਨੂੰ ਕਾਬੂ ਕੀਤਾ ਗਿਆ ਹੈ। ਫਿਲਹਾਲ ਉਨ੍ਹਾਂ ਨੇ ਮੁਲਜ਼ਮਾਂ ਖਿਲਾਫ ਮਾਮਲਾ ਦਰਜ ਕਰ ਲਿਆ ਹੈ ਤੇ ਮਾਮਲੇ ਦੀ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।