ਢਾਬਾ ਮਾਲਕ ਨਾਲ ਨੌਜਵਾਨਾਂ ਨੇ ਕੀਤੀ ਕੁੱਟਮਾਰ, ਘਟਨਾ ਸੀਸੀਟੀਵੀ ’ਚ ਕੈਦ

ਜਲੰਧਰ: ਸ਼ੁੱਕਰਵਾਰ ਦੇਰ ਰਾਤ ਫਗਵਾੜਾ ਗੁਰਾਇਆਂ ਜੀ.ਟੀ. ਰੋਡ ‘ਤੇ ਪੈਂਦੇ ਪਿੰਡ ਜਮਾਲਪੁਰ ਵਿਖੇ ਕਾਰ ਸਵਾਰ 4 ਨੌਜਵਾਨਾਂ ਨੇ ਇੱਕ ਢਾਬਾ ਮਾਲਿਕ ਨਾਲ ਕੁੱਟਮਾਰ ਕੀਤੀ ਤੇ ਉਸ ਨੂੰ ਬੁਰੀ ਤਰ੍ਹਾਂ ਜਖਮੀ ਕਰ ਦਿੱਤਾ। ਢਾਬਾ ਮਾਲਿਕ ਨੀਰਜ ਕੁਮਾਰ ਨੇ ਦੱਸਿਆ ਕਿ ਉਹ ਜਮਾਲਪੁਰ ਵਿਖੇ ਰਾਧੇ ਕ੍ਰਿਸ਼ਨਾ ਨਾਂਅ ਦਾ ਢਾਬਾ ਚਲਾਉਂਦਾ ਹੈ। ਬੀਤੀ ਦੇਰ ਰਾਤ ਢਾਬੇ ‘ਤੇ ਆਏ 4 ਨੌਜਵਾਨਾਂ ਨੇ ਉਸ ’ਤੇ ਹਮਲਾ ਕਰ ਦਿੱਤਾ ਤੇ ਉਸ ਨੂੰ ਗੰਭੀਰ ਰੂਪ ’ਚ ਜਖਮੀ ਕਰ ਦਿੱਤਾ। ਇਹ ਸਾਰੀ ਘਟਨਾ ਸੀਸੀਟੀਵੀ ਕੈਮਰੇ ’ਚ ਕੈਦ ਹੋ ਗਈ।