ਲੁਧਿਆਣਾ ਕੁੜੀ ਵਿਆਹੁਣ ਆਏ ਬਰਾਤੀਆਂ 'ਚ ਚੱਲੇ ਇੱਟਾਂ-ਰੋੜੇ

ਲੁਧਿਆਣਾ: ਸਾਂਸੀ ਮੁਹੱਲਾ ਵਿੱਚ ਬੀਤੀ ਰਾਤ ਬਰਾਤ ਅਤੇ ਸਥਾਨਕ ਲੋਕਾਂ ਦੇ ਵਿੱਚ ਜੰਮ ਕੇ ਹੰਗਾਮਾ ਹੋਇਆ। ਇਸ ਦੌਰਾਨ ਕਈ ਵਾਹਨ ਤੋੜ ਦਿੱਤੇ ਗਏ। ਸਥਾਨਕ ਲੋਕਾਂ ਨੇ ਇਲਜ਼ਾਮ ਲਗਾਇਆ ਕਿ ਬਰਾਤ ਜੋ ਕਪੂਰਥਲੇ ਤੋਂ ਆਈ ਸੀ, ਜਿਸ ਦੇ ਕੁੱਝ ਵਿਅਕਤੀ ਗਲੀ ਵਿੱਚ ਸ਼ਰਾਬ ਪੀ ਕੇ ਹੰਗਾਮਾ ਕਰ ਰਹੇ ਸਨ। ਉਨ੍ਹਾਂ ਦੀ ਆਪਸ ਵਿੱਚ ਲੜਾਈ ਹੋਈ ਤਾਂ ਸਥਾਨਕ ਲੋਕਾਂ ਨੇ ਹਟਾਉਣ ਲਈ ਕੋਸ਼ਿਸ਼ ਕੀਤੀ ਪਰ ਉਲਟਾ ਬਰਾਤੀਆਂ ਨੇ ਮੁਹੱਲਾ ਵਾਸੀਆਂ 'ਤੇ ਹੀ ਹਮਲਾ ਕਰ ਦਿੱਤਾ। ਦੂਜੇ ਪਾਸੇ ਲੁਧਿਆਣਾ ਦੇ ਏਸੀਪੀ ਵਰਿਆਮ ਸਿੰਘ ਨੇ ਕਿਹਾ ਕਿ ਦੋ ਧਿਰਾਂ ਵਿਚਕਾਰ ਆਪਸੀ ਤਕਰਾਰ ਜ਼ਰੂਰੀ ਸੀ ਪਰ ਬਰਾਤ ਕੁੜੀ ਵਿਆਹੁਣ ਆਈ ਸੀ, ਇਸ ਕਰਕੇ ਦੋਵਾਂ ਧਿਰਾਂ ਵਿਚਕਾਰ ਸਮਝੌਤਾ ਹੋ ਗਿਆ।