ਤਰਨਤਾਰਨ : ਸ਼ਰਾਬ ਪੀਣ ਕਾਰਨ ਵੱਧਦੇ ਸੜਕੀ ਹਾਦਸਿਆਂ ਨੂੰ ਲੈ ਕੇ ਪੰਜਾਬ ਤੇ ਹਰਿਆਣਾ ਹਾਈ ਕੋਰਟ ਨੇ ਲੋਕ-ਹਿੱਤ ਲਈ ਨੈਸ਼ਨਲ ਅਤੇ ਸੂਬਾ ਹਾਈਵੇ 'ਤੇ ਖ਼ੁਲ੍ਹੇ ਸ਼ਰਾਬ ਦੇ ਠੇਕਿਆਂ ਨੂੰ ਹਟਾਉਣ ਦੇ ਹੁਕਮ ਦਿੱਤੇ ਸਨ ਕਿ ਨੈਸ਼ਨਲ ਹਾਈਵੇ ਤੋਂ 500 ਮੀਟਰ ਦੀ ਦੂਰੀ ਅਤੇ ਸੂਬਾ ਹਾਈਵੇ ਤੋਂ 200 ਮੀਟਰ ਦੀ ਦੂਰੀ ਤੇ ਹੀ ਠੇਕੇ ਖ਼ੋਲ੍ਹੇ ਜਾਣ। ਪਰ ਸ਼ਰਾਬ ਦੇ ਠੇਕੇਦਾਰਾਂ ਨੇ ਅਦਾਲਤ ਦੇ ਇਸ ਹੁਕਮਾਂ ਦੀ ਰੱਜ ਕੇ ਉਲੰਘਣਾ ਕੀਤੀ ਹੈ।
ਸ਼ਰਾਬ ਦੇ ਠੇਕੇਦਾਰਾਂ ਨੇ ਪੰਜਾਬ ਤੇ ਹਰਿਆਣਾ ਹਾਈਕੋਰਟ ਦੇ ਹੁਕਮਾਂ ਨੂੰ ਟੰਗਿਆ ਛਿੱਕੇ
ਇਸੇ ਦੀ ਉਦਾਹਰਣ ਤਰਨਤਾਰਨ ਵਿੱਚ ਸ਼ਰੇਆਮ ਦੇਖਣ ਨੂੰ ਮਿਲ ਰਹੀ ਹੈ। ਇਹ ਸਭ ਕਰ ਅਤੇ ਆਬਕਾਰੀ ਵਿਭਾਗ ਦੀ ਮਿਲੀਭੁਗਤ ਨਾਲ ਚੱਲ ਰਹੇ ਹਨ। ਜਿਥੇ ਸਥਾਨਕ ਲੋਕਾਂ ਦੁਆਰਾ ਹਾਈਵੇ 'ਤੇ ਖੁਲ੍ਹ ਰਹੇ ਠੇਕਿਆਂ ਨੂੰ ਹਟਾਉਣ ਦੀ ਮੰਗ ਕੀਤੀ ਜਾ ਰਹੀ ਹੈ, ਉਥੇ ਹੀ ਕਰ ਅਤੇ ਆਬਕਾਰੀ ਵਿਭਾਗ ਦੇ ਅਧਿਕਾਰੀ ਹਾਈਵੇ ਤੇ ਠੇਕੇ ਨਾ ਹੋਣ ਦਾ ਦਾਅਵਾ ਠੋਕ ਕੇ ਪੱਲਾ ਝਾੜਦੇ ਹੋਏ ਨਜ਼ਰ ਆ ਰਹੇ ਹਨ।