ਮੋਹਾਲੀ: ਗ਼ਰੀਬ ਬੱਚੇ ਪੜ੍ਹਣਾ ਤਾਂ ਚਾਹੁੰਦੇ ਹਨ ਪਰ ਘਰ ਦੀ ਆਰਥਿਕ ਤੰਗੀ ਇਨ੍ਹਾਂ ਬੱਚਿਆਂ ਦੇ ਸੁਪਨਿਆਂ ਦੇ ਖੰਭ ਤੋੜ ਦਿੰਦੀ ਹੈ। ਇਨ੍ਹਾਂ ਬੱਚਿਆਂ ਨੂੰ ਪੜ੍ਹਾਉਣ ਦਾ ਉਪਰਾਲਾ ਕੁੱਝ ਸਮਾਜ ਪ੍ਰਤੀ ਜ਼ਿੰਮੇਵਾਰ ਲੋਕਾਂ ਨੇ ਚੁੱਕਿਆ ਹੈ। ਇਨ੍ਹਾਂ ਲੋਕਾਂ ਨੇ ਮੋਹਾਲੀ ਦੇ ਸੈਕਟਰ 70 ਦੀ ਗਊਸ਼ਾਲਾ ਵਿੱਚ ਰਾਤ ਨੂੰ ਚੱਲਣ ਵਾਲੀ ਪਾਠਸ਼ਾਲਾ ਦੀ ਸ਼ੁਰੂਆਤ ਕੀਤੀ ਹੈ।
ਦਿਨ 'ਚ ਗਊਸ਼ਾਲਾ ਰਾਤ 'ਚ ਪਾਠਸ਼ਾਲਾ ਵੇਖੋ ਇਹ ਅਨੋਖਾ ਸਕੂਲ। ਇਸ ਪਾਠਸ਼ਾਲਾ ਵਿੱਚ ਸਕੂਲ ਨਾ ਜਾਣ ਵਾਲੇ ਬੱਚੇ ਆ ਕੇ ਪੜ੍ਹਾਈ ਕਰਦੇ ਹਨ। ਸਰਕਾਰ ਹਰ ਬੱਚੇ ਲਈ ਸਿੱਖਿਆ ਦਾ ਲਾਜ਼ਮੀ ਅਧਿਕਾਰ ਤਾਂ ਦੇ ਰਹੀ ਹੈ ਪਰ ਫਿਰ ਵੀ ਕੁੱਝ ਬੱਚੇ ਪੜ੍ਹਾਈ ਨਹੀਂ ਕਰ ਪਾਉਂਦੇ।
ਰਾਤ ਵਿੱਚ ਖੁਲ੍ਹਦੀ ਹੈ ਇਹਅਨੋਖੀਪਾਠਸ਼ਾਲਾ
ਇਹ ਪਾਠਸ਼ਾਲਾ ਸ਼ਾਮ ਦੇ 7.30 ਵਜੇ ਖੁਲ੍ਹਦੀ ਹੈ ਤੇ ਰਾਤ 9 ਵਜੇ ਤੱਕ ਦਾ ਚੱਲਦੀ ਹੈ। ਇਸ ਪਾਠਸ਼ਾਲਾ ਵਿੱਚ ਉਨ੍ਹਾਂ ਬੱਚਿਆਂ ਨੂੰ ਸਿੱਖਿਆ ਦਿੱਤੀ ਜਾਂਦੀ ਹੈ ਜਿਹੜੇ ਗ਼ਰੀਬੀ ਕਾਰਨ ਸਕੂਲ ਵਿੱਚ ਨਹੀਂ ਪੜ੍ਹ ਪਾਉਂਦੇ। ਇਨ੍ਹਾਂ ਬੱਚਿਆਂ ਵਿੱਚ ਜ਼ਿਆਦਾਤਾਰ ਬੱਚੇ ਲੋਕਾਂ ਦੇ ਘਰਾਂ ਵਿੱਚ ਕੰਮ ਕਰਦੇ ਹਨ ਤੇ ਸ਼ਾਮ ਨੂੰ ਆਪਣੀ ਪੜ੍ਹਾਈ ਦਾ ਸ਼ੌਕ ਪੁਰਾ ਕਰਨ ਲਈ ਬੜੇ ਚਾਅ ਨਾਲ ਗਊਸ਼ਾਲਾ ਦੀ ਪਾਠਸ਼ਾਲਾ ਵਿੱਚ ਆ ਜਾਂਦੇ ਹਨ।
6 ਅਧਿਆਪਕ ਪੜ੍ਹਾ ਰਹੇ 130 ਬੱਚੇ
ਪਾਠਸ਼ਾਲਾ ਦੇ ਅਧਿਆਪਕ ਨੇ ਦੱਸਿਆ ਕਿ ਇਹ ਪਾਠਸ਼ਾਲਾ 2 ਮਹੀਨੇ ਪਹਿਲਾਂ 10 ਬੱਚਿਆਂ ਨਾਲ ਸ਼ੁਰੂ ਕੀਤੀ ਗਈ ਸੀ। ਹੁਣ ਇਸ ਪਾਠਸ਼ਾਲਾ ਵਿੱਚ 130 ਬੱਚੇ ਪੜ੍ਹਾਈ ਕਰ ਰਹੇ ਹਨ। ਦੱਸਣਯੋਗ ਹੈ ਕਿ ਇਹ ਪਾਠਸ਼ਾਲਾ ਵਿੱਚ ਜ਼ਿਆਦਾਤਰ ਉਹ ਕੁੜੀਆਂ ਪੜ੍ਹ ਰਹੀਆਂ ਹਨ ਜੋ ਮਜਬੂਰੀ ਵਸ ਘਰਾਂ ਵਿੱਚ ਕੰਮ ਕਰਦੀਆਂ ਹਨ। ਇਸ ਪਾਠਸ਼ਾਲਾ ਵਿੱਚ ਇਕੱਲੀ ਸਿੱਖਿਆ ਹੀ ਨਹੀਂ ਸਗੋਂ ਬੱਚਿਆਂ ਨੂੰ ਆਤਮ ਨਿਰਭਰਤਾ ਤੇ ਸਰਿਰਕ ਸੰਭਾਲ ਬਾਰੇ ਵੀ ਦੱਸਿਆ ਜਾਂਦਾ। ਇਸ ਪਾਠਸ਼ਾਲਾ ਵਿੱਚ 6 ਅਧਿਆਪਕ ਪੜ੍ਹਾਉਂਦੇ ਹਨ ਜੋ ਵੱਖ-ਵੱਥ ਖੇਤਰ ਨਾਲ ਸਬੰਧ ਰੱਖਦੇ ਹਨ। ਪਾਠਸ਼ਾਲਾ ਵਿੱਚ ਬੱਚਿਆਂ ਨੂੰ ਕਿਤਾਬਾਂ, ਕਾਪੀਆਂ ਤੇ ਖਾਣ ਪੀਣ ਦਾ ਸਮਾਨ ਵੀ ਦਿੱਤਾ ਜਾਂਦਾ ਹੈ। ਹਾਲਾਂਕਿ ਕਿ ਸਰਕਾਰ ਵੱਲੋਂ ਇੱਥੇ ਕਿਸੇ ਵੀ ਤਰ੍ਹਾਂ ਦੀ ਕੋਈ ਮਦਦ ਨਹੀਂ ਦਿੱਤੀ ਜਾ ਰਹੀ ਹੈ। ਗਊਸ਼ਾਲਾ ਦੇ ਪ੍ਰਧਾਨ ਵੱਲੋਂ ਗਊਸ਼ਾਲਾ ਦੀ ਥਾਂ ਇਨ੍ਹਾਂ ਅਧਿਆਪਕਾਂ ਨੂੰ ਮੁਫ਼ਤ ਦਿੱਤੀ ਗਈ ਹੈ।
