ਮੋਗਾ: ਇਨ੍ਹਾਂ ਤਸਵੀਰਾਂ ਨੂੰ ਵੇਖ ਕੇ ਤੁਸੀਂ ਸੋਚ ਰਹੇ ਹੋਵੋਗੇ ਕਿ ਆਖ਼ਰ ਇਹ ਲੋਕ ਕੌਣ ਨੇ ਜੋ ਢੋਲ ਵਜਾ ਕੇ ਬੂਟ ਪਾਲਸ਼ ਕਰ ਰਹੇ ਹਨ। ਇੱਕ ਵਾਰ ਵੇਖਣ ਤੋਂ ਤਾਂ ਇਹ ਬੂਟ ਪਾਲਸ਼ ਕਰਨ ਵਾਲੇ ਵੀ ਨਹੀਂ ਲਗਦੇ, ਆਖ਼ਰ ਇਹ ਕੀ ਮਾਜ਼ਰਾ ਹੈ ਜੋ ਇਹ ਸ਼ਹਿਰ ਦੇ ਵਿਚਾਲੇ ਢੋਲ ਵਜਾ ਕੇ ਬੂਟ ਪਾਲਸ਼ ਕਰ ਰਹੇ ਹਨ।
ਦਰਅਸਲ ਇਨ੍ਹਾਂ ਲੋਕਾਂ ਨੇ ਗਾਂਧੀ ਜੈਅੰਤੀ ਮੌਕੇ ਬੂਟ ਪਾਲਸ਼ ਕਰਕੇ ਇੱਕਠੇ ਹੋਣ ਵਾਲੇ ਪੈਸੇ PWD ਨੂੰ ਦੇਣ ਦਾ ਫ਼ੈਸਲਾ ਕੀਤਾ ਹੈ। ਤੁਸੀਂ ਵੀ ਸੁਣੋਂ ਇਨ੍ਹਾਂ ਤੋਂ ਕਿ ਆਖ਼ਰ PWD ਨੂੰ ਐਨੇ ਪੈਸਿਆਂ ਦੀ ਕੀ ਲੋੜ ਪੈ ਗਈ ਜੋ ਲੋਕਾਂ ਨੂੰ ਚੰਦਾ ਇਕੱਠਾ ਕਰਕੇ ਦੇਣਾ ਪੈ ਰਿਹਾ।
ਤੁਸੀਂ ਵੇਖਿਆ ਕਿ ਆਖ਼ਰ ਲੋਕਾਂ ਨੇ ਅੱਕ ਕੇ ਕਿਉਂ ਬੂਟ ਪਾਲਸ਼ ਕਰਨ ਦਾ ਕੰਮ ਕੀਤਾ,, ਬੱਸ ਇੱਥੇ ਇੱਕ ਸਵਾਲ ਮੱਲੋ ਜ਼ੋਰੀ ਮਨ ਵਿੱਚ ਆਉਂਦਾ ਹੈ ਕਿ ਜੇ ਸਰਕਾਰ ਕੋਲ ਇੱਕ ਸੜਕ ਬਣਾਉਣ ਲਈ ਵੀ ਪੈਸੇ ਨਹੀਂ ਹਨ ਤਾਂ ਫਿਰ ਅਜਿਹੀ ਸਰਕਾਰ ਤੋਂ ਕਰਵਾਉਣਾ ਕੀ ਹੈ।
