ਜਲੰਧਰ: ਕੋਰੋਨਾ ਵਾਇਰਸ ਦੇ ਚੱਲਦਿਆਂ ਸਿਹਤ ਵਿਭਾਗ ਵੱਲੋਂ ਪੂਰੇ ਸੂਬੇ ਦੇ ਵਿੱਚ ਮੌਕ ਡਰਿੱਲ ਕੀਤੀ ਜਾ ਰਹੀ ਹੈ। ਅਜਿਹੀ ਹੀ ਇੱਕ ਮੌਕ ਡਰਿੱਲ ਜਲੰਧਰ ਦੇ ਪਿੰਡ ਮਲਕੋ ਤਰਾੜ ਦੇ ਵਿੱਚ ਕੀਤੀ ਗਈ। ਮੌਕ ਡਰਿੱਲ ਜਲੰਧਰ ਦੇ ਏਡੀਸੀ ਵਿਸ਼ੇਸ਼ ਸਰੰਗਲ ਦੀ ਰਹਿਨੁਮਾਈ ਹੇਠ ਕੀਤੀ ਗਈ।
ਵੀਡੀਓ
ਸਿਵਲ ਸਰਜਨ ਡਾ. ਗੁਰਿੰਦਰ ਕੌਰ ਚਾਵਲਾ ਨੇ ਦੱਸਿਆ ਕਿ ਸਭ ਤੋਂ ਪਹਿਲਾਂ ਉਨ੍ਹਾਂ ਨੇ ਪਿੰਡ ਦੇ ਗੁਰਦੁਆਰਾ ਸਾਹਿਬ ਤੋਂ ਪਿੰਡ 'ਚ ਅਨਾਉਸਮੈਂਟ ਕੀਤੀ ਸੀ ਜਿਸ 'ਚ ਪਿੰਡਵਾਸੀ ਨੂੰ ਕੋਰੋਨਾ ਵਾਇਰਸ ਦੇ ਚੈੱਕਅਪ ਸਬੰਧੀ ਸੂਚਿਤ ਕੀਤਾ ਗਿਆ ਸੀ। ਇਸ ਦੌਰਾਨ ਪੁਲਿਸ ਪ੍ਰਸ਼ਾਸਨ ਵੱਲੋਂ ਪੂਰੇ ਪਿੰਡ ਦਾ ਘਿਰਾਓ ਕੀਤਾ ਗਿਆ ਫਿਰ ਡਾਕਟਰਾਂ ਵੱਲੋਂ ਡੌਰ-ਟੂ-ਡੌਰ ਜਾ ਪਿੰਡ ਵਾਸੀਆਂ ਦਾ ਚੈੱਕਅਪ ਕੀਤਾ ਤੇ ਉਨ੍ਹਾਂ ਦਾ ਹਾਲ-ਚਾਲ ਪੁੱਛ ਕੇ ਪਿੰਡ ਦੀ ਟ੍ਰੈਵਲ ਹਿਸਟਰੀ ਬਾਰੇ ਜਾਣਿਆ ਗਿਆ।