ਸਕੂਲ ਨੇ ਮਾਪਿਆਂ ਤੋਂ ਵਾਧੂ ਫੰਡ ਕੀਤੇ ਵਸੂਲ , ਮਾਪਿਆ 'ਚ ਰੋਸ

ਫਿਰੋਜ਼ਪੁਰ ਦੇ ਇਕ ਨਾਮੀ ਸਕੂਲ ਨੇ ਮਾਪਿਆ ਕੋਲੋਂ ਵਾਧੂ ਫੰਡ ਵਸੂਲ ਕੀਤੇ ਹਨ ਜਿਸ ਨੂੰ ਲੈ ਕੇ ਬੱਚਿਆ ਦੇ ਮਾਪਿਆ ਵਿਚ ਰੋਸ ਪਾਇਆ ਗਿਆ ਹੈ ਅਤੇ ਸਕੂਲ ਪ੍ਰਸ਼ਾਸਨ ਦੇ ਖਿਲਾਫ਼ ਪ੍ਰਦਰਸ਼ਨ ਕਰਕੇ ਇਨਸਾਫ਼ ਦੀ ਮੰਗ ਕੀਤੀ ਹੈ।

ਫਿਰੋਜ਼ਪੁਰ:ਕੋਰੋਨਾ ਮਹਾਂਮਾਰੀ ਦੇ ਕਾਰਨ ਸਮਾਜ ਦੇ ਹਰ ਵਰਗ ਦੀ ਆਰਥਿਕਤਾ ਉਤੇ ਅਸਰ ਪਿਆ ਹੈ।ਫਿਰੋਜ਼ਪੁਰ ਸ਼ਹਿਰ ਦੇ ਇੱਕ ਨਾਮੀ ਪ੍ਰਾਈਵੇਟ ਸਕੂਲ ਨੇ ਪੰਜਾਬ ਸਰਕਾਰ, ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਅਤੇ ਸੁਪਰੀਮ ਕੋਰਟ ਦੇ ਹੁਕਮਾਂ ਦੀ ਸ਼ਰੇਆਮ ਉਲੰਘਣਾ ਕਰਦੇ ਹੋਏ ਮਾਪਿਆਂ ਤੋ ਮੋਟੇ ਫੰਡ ਵਸੂਲੇ ਗਏ। ਜਦੋਂ ਇਹ ਮਸਲਾ ਸ਼ਹਿਰ ਵਿਚ ਸਕੂਲਾਂ ਦੀ ਲੁੱਟ ਖਿਲਾਫ਼ ਪਿਛਲੇ ਲੰਬੇ ਸਮੇਂ ਤੋ ਲੜਾਈ ਲੜ ਰਹੀ 'ਦੀ ਫਿਰੋਜ਼ਪੁਰ ਪੇਰੈਂਟਸ ਵੈਲਫੇਅਰ ਸੋਸਾਇਟੀ' ਦੇ ਧਿਆਨ 'ਚ ਆਇਆ ਤਾਂ ਸੋਸਾਇਟੀ ਮੈਂਬਰਾਂ ਨੇ ਮਾਪਿਆਂ ਨੂੰ ਲੈ ਕੇ ਸਕੂਲ ਆਰ ਐਸ ਡੀ ਦੇ ਬਾਹਰ ਧਰਨਾ ਲਗਾ ਦਿੱਤਾ।

ਸਕੂਲ ਦੀ ਪ੍ਰਿੰਸੀਪਲ ਮੈਡਮ ਪਰਵੀਨ ਨੇ ਸਕੂਲ ਉਤੇ ਲੱਗੇ ਸਾਰੇ ਇਲਜ਼ਾਮ ਨੂੰ ਬੇਬੁਨਿਆਦ ਦੱਸਿਆ ਹੈ।ਉਨ੍ਹਾਂ ਦਾ ਕਹਿਣਾ ਹੈ ਕਿ ਅਸੀਂ ਬਹੁਤ ਸਾਰੇ ਬੱਚਿਆਂ ਦੀ ਫੀਸ ਮੁਆਫ ਕੀਤੀ ਹੈ।

ਇਸ ਬਾਰੇ ਮਨਜਿੰਦਰ ਭੁੱਲਰ ਨੇ ਦੱਸਿਆ ਹੈ ਕਿ ਸੁਪਰੀਮ ਕੋਰਟ ਦੇ ਹੁਕਮਾਂ ਦੀ ਉਲੰਘਣਾ ਕਰਦੇ ਹੋਏ ਮਾਪਿਆ ਤੋਂ ਹੋਰ ਕਈ ਫੰਡ ਵਸੂਲ ਕੀਤੇ ਹਨ।ਇਸ ਲਈ ਉਹਨਾਂ ਸਰਕਾਰ ਕੋਲੋਂ ਇਨਸਾਫ ਦੀ ਮੰਗ ਕੀਤੀ ਹੈ।ਇਸ ਮੌਕੇ ਤੇ ਸੋਸਾਇਟੀ ਦੇ ਚੇਅਰਮੈਨ ਮਨਜਿੰਦਰ ਸਿੰਘ ਭੁੱਲਰ ਪ੍ਰਧਾਨ ਪਰਦੀਪ ਕੁਮਾਰ ਵਾਈਸ ਪ੍ਰਧਾਨ ਤਜਿੰਦਰ ਸਿੰਘ ਸੈਕਟਰੀ ਪ੍ਰਿੰਸ ਸ਼ਰਮਾ ਜੁਆਇੰਟ ਸੈਕਟਰੀ ਸ਼ੈਟੀ ਜੇਠੀ ਅਤੇ ਆਰ ਐਸ ਡੀ ਰਾਜ ਰਤਨ ਸਕੂਲ ਦੇ ਮਾਪੇ ਮੌਜੂਦ ਸਨ।