Ban on jeans and t-shirts in Faridkot offices: ਫਰੀਦਕੋਟ ਦੇ ਦਫਤਰਾਂ ’ਚ ਜੀਨਸ ਤੇ ਟੀ ਸ਼ਰਟ ਪਾ ਕੇ ਆਉਣ ’ਤੇ ਲੱਗੀ ਪਾਬੰਦੀ, DC ਵੱਲੋਂ ਹੁਕਮ ਜਾਰੀ

Formal Dress in Office ਫਰੀਦਕੋਟ ਦੇ ਡਿਪਟੀ ਕਮਿਸ਼ਨਰ ਵਿਨੀਤ ਕੁਮਾਰ ਨੇ ਇਕ ਦਫਤਰੀ ਹੁਕਮ ਜਾਰੀ ਕਰ ਕੇ ਦਫਤਰਾਂ ਵਿਚ ਜੀਨਸ ਤੇ ਟੀ-ਸ਼ਰਟ ਪਾ ਕੇ ਆਉਣ ’ਤੇ ਪਾਬੰਦੀ ਲਗਾ ਦਿੱਤੀ ਹੈ। ਹਾਲਾਂਕਿ ਉਹਨਾਂ ਦੇ ਹੁਕਮਾਂ ਨੂੰ ਕੋਈ ਵੀ ਕਰਮਚਾਰੀ ਮੰਨਣ ਲਈ ਤਿਆਰ ਨਹੀਂ ਹੈ। ਉਹਨਾਂ ਕਿਹਾ ਕਿ ਇਹ ਤੁਗਲਕੀ ਫਰਮਾਨ ਹੈ।

ਫਰੀਦਕੋਟ: ਫਰੀਦਕੋਟ ਜਿਲ੍ਹੇ ਦੇ ਡਿਪਟੀ ਕਮਿਸ਼ਨਰ ਵਨੀਤ ਕੁਮਾਰ ਆਈਏਐਸ ਵੱਲੋਂ ਦਫਤਰਾਂ 'ਚ ਪਹਿਰਾਵੇ ਨੂੰ ਲੈਕੇ ਨਵੇਂ ਹੁਕਮ ਜਾਰੀ ਕੀਤੇ ਗਏ ਹਨ। ਬੀਤੇ ਕੱਲ੍ਹ ਇਕ ਪੱਤਰ ਨੰਬਰ 1442/ਫਸ ਮਿਤੀ 6 ਸਤੰਬਰ 2023 ਜਾਰੀ ਕਰ ਜਿਲ੍ਹੇ ਦੇ ਸਰਕਾਰੀ ਦਫਤਰਾਂ ਦੇ ਅਧਿਕਾਰੀਆ ਅਤੇ ਕਰਮਚਾਰੀਆ ਨੂੰ ਸਲਾਹ ਦਿੱਤੀ ਗਈ ਕਿ ਉਹ ਸਰਕਾਰੀ ਦਫਤਰਾਂ 'ਚ ਡਿਉਟੀ 'ਤੇ ਆਉਣ ਸਮੇਂ ਜੀਨਸ ਅਤੇ ਟੀ-ਸ਼ਰਟ ਨਾ ਪਾ ਕੇ ਆਉਣ। ਇਸ ਨਾਲ ਦਫਤਰਾਂ 'ਚ ਕੰਮ ਕਾਰ ਲਈ ਆਉਣ ਵਾਲੀ ਪਬਲਿਕ 'ਤੇ ਚੰਗਾ ਪ੍ਰਭਾਵ ਨਹੀਂ ਪੈਂਦਾ ਅਤੇ ਇਹ ਪ੍ਰਥਾ ਚੰਗੀ ਨਹੀਂ ਹੈ। ਉਹਨਾਂ ਜਿਲ੍ਹੇ ਦੇ ਸਾਰੇ ਸਰਕਾਰੀ ਅਧਿਕਾਰੀਆਂ ਅਤੇ ਕਰਮਚਾਰੀਆਂ ਨੂੰ ਸਲਾਹ ਦਿੱਤੀ ਹੈ,ਕਿ ਸਭ ਆਪਣੇ ਦਫਤਰਾਂ ਵਿਚ ਫਾਰਮਲ ਡਰੈਸ ਪਹਿਨ ਕੇ ਆਉਣ। ਡਿਪਟੀ ਕਮਿਸ਼ਨਰ ਵੱਲੋਂ ਜਾਰੀ ਇਹਨਾਂ ਆਰਡਰਾਂ ਦੀ ਚਾਰ ਚੁਫੇਰੇ ਚਰਚਾ ਹੋ ਹਰੀ ਹੈ।

ਟੀ-ਸ਼ਰਟ ਅਤੇ ਜੀਨਸ ਵਾਲੀ ਪ੍ਰਥਾ ਚੰਗੀ ਨਹੀਂ ਹੈ: DC ਵੱਲੋਂ ਜਾਰੀ ਆਦੇਸ਼ ਵਿੱਚ ਕਿਹਾ ਗਿਆ ਹੈ ਕਿ ਇਹ ਦੇਖਿਆ ਗਿਆ ਹੈ ਕਿ ਜ਼ਿਲ੍ਹੇ ਦੇ ਸਰਕਾਰੀ ਦਫਤਰਾਂ 'ਚ ਕਈ ਅਧਿਕਾਰੀ ਤੇ ਮੁਲਾਜ਼ਮ ਟੀ-ਸ਼ਰਟ ਅਤੇ ਜੀਨਸ ਪਾ ਕੇ ਆਉਂਦੇ ਹਨ। ਕੋਈ ਵੀ ਫਾਰਮਲ ਨਹੀਂ ਪਾਉਂਦੇ। ਇਹ ਪ੍ਰਥਾ ਚੰਗੀ ਨਹੀਂ ਹੈ, ਇਸ ਨਾਲ ਜਨਤਾ ’ਤੇ ਵਧੀਆ ਪ੍ਰਭਾਵ ਨਹੀਂ ਪੈਂਦਾ। ਡੀਸੀ ਨੇ ਜ਼ਿਲ੍ਹੇ ਦੇ ਸਾਰੇ ਵਿਭਾਗਾਂ ਦੇ ਮੁੁਖੀਆਂ ਨੂੰ ਆਦੇਸ਼ ਦੀ ਕਾਪੀ ਭੇਜਦਿਆਂ ਇਨ੍ਹਾਂ ਆਦੇਸ਼ਾਂ ਦੀ ਪਾਲਣਾ ਯਕੀਨੀ ਬਣਾਉਣ ਲਈ ਕਿਹਾ ਹੈ। (Faridkot DC issued an order)

Formal Dress in Office : ਡਿਪਟੀ ਕਮਿਸ਼ਨਰ ਫਰੀਦਕੋਟ ਦਾ ਫਰਮਾਨ, ਹੁਣ ਦਫਤਰਾਂ 'ਚ ਨਹੀਂ ਚੱਲਣਗੇ ਜੀਨਸ ਟੀ-ਸ਼ਰਟ ਵਾਲੇ ਟਸ਼ਨ !

ਪਹਿਲਾਂ ਵੀ ਹੋਇਆ ਸੀ ਫਰਮਾਨ ਜਾਰੀ :ਦੱਸਣਯੋਗ ਹੈ ਕਿ ਡਿਪਟੀ ਕਮਿਸ਼ਨਰ ਦਫਤਰ ਦੇ ਮੁਲਾਜ਼ਮਾਂ ਲਈ ਡ੍ਰੈੱਸ ਕੋਡ ਲਾਗੂ ਕਰਨ ਦੇ ਆਦੇਸ਼ਾਂ ਨੇ ਬੁੱਧਵਾਰ ਨੂੰ ਵਿਵਾਦ ਵੀ ਖੜ੍ਹਾ ਕਰ ਦਿੱਤਾ। ਓਧਰ ਸਰਕਾਰੀ ਦਫਤਰਾਂ ਦੇ ਕਈ ਮੁਲਾਜ਼ਮਾਂ ਨੇ ਕਿਹਾ ਕਿ ਡੀਸੀ ਦੇ ਇਹ ਆਦੇਸ਼ ਲਗਭਗ ਚਾਰ ਸਾਲ ਪਹਿਲਾਂ ਡਿਪਟੀ ਕਮਿਸ਼ਨਰ ਫ਼ਾਜ਼ਿਲਕਾ ਵੱਲੋਂ ਕੀਤੀ ਗਈ ਗ਼ਲਤੀ ਦੁਹਰਾਈ ਗਈ ਹੈ। ਉਦੋਂ ਮੌਕੇ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਇਸ ਆਦੇਸ਼ ਨੂੰ ਰੱਦ ਕਰ ਦਿੱਤਾ ਸੀ।

ਕਮਿਸ਼ਨਰ ਦੇ ਇਹਨਾਂ ਹੁਕਮਾਂ ਨੂੰ ਸਹੀ ਨਹੀਂ ਮੰਨ ਰਿਹਾ:ਉਥੇ ਹੀ ਦੂਜੇ ਪਾਸੇ ਕੋਈ ਡਿਪਟੀ ਕਮਿਸ਼ਨਰ ਦੇ ਇਹਨਾਂ ਹੁਕਮਾਂ ਨੂੰ ਸਹੀ ਨਹੀਂ ਮੰਨ ਰਿਹਾ ਅਤੇ ਕਿਸੇ ਵੱਲੋਂ ਇਹਨਾਂ ਹੁਕਮਾਂ ਨੂੰ ਤੁਗਲਕੀ ਫਰਮਾਨ ਦਾ ਨਾਂਮ ਦਿੱਤਾ ਜਾ ਰਿਹਾ ਹੈ। ਗੱਲਬਾਤ ਕਰਦਿਆਂ ਡੀਸੀ ਦਫਤਰ ਮੁਲਾਜਮ ਯੂਨੀਅਨ ਦੇ ਸੂਬਾਈ ਆਗੂ ਗੁਰਨਾਮ ਸਿੰਘ ਵਿਰਕ ਨੇ ਕਿਹਾ ਕਿ ਡਿਪਟੀ ਕਮਿਸ਼ਨਰ ਸਾਹਿਬ ਵੱਲੋਂ ਜੋ ਆਡਰ ਜਾਰੀ ਕੀਤੇ ਗਏ ਹਨ। ਉਹ ਕੋਈ ਆਰਡਰ ਨਹੀਂ ਬਲਕਿ ਅਧਿਕਾਰੀਆਂ ਅਤੇ ਕਰਮਚਾਰੀਆਂ ਨੂੰ ਸਲਾਹ ਦਿੱਤੀ ਗਈ ਹੈ। ਉਹਨਾਂ ਕਿਹਾ ਕਿ ਅੱਜ ਦੇ ਸਮੇਂ ਵਿਚ ਕੋਈ ਅਧਿਕਾਰੀ ਜਾਂ ਕਰਮਚਾਰੀ, ਇਥੋਂ ਤੱਕ ਦਫਤਰਾਂ ਵਿਚ ਕੰਮਕਾਰ ਲਈ ਆਉਣ ਵਾਲੇ ਲੋਕ ਵੀ ਕੱਪੜੇ ਪਹਿਨਣ ਦਾ ਢੰਗ ਤਰੀਕਾ ਚੰਗੀ ਤਰ੍ਹਾਂ ਜਾਣਦੇ ਹਨ ਅਤੇ ਸਰਕਾਰ ਨੂੰ ਲੋਕਾਂ ਨੇ ਕੀ ਪਹਿਨਣਾ ਜਾਂ ਕੀ ਨਹੀਂ ਪਹਿਨਣਾਂ ਇਸ ਬਾਰੇ ਸੁਝਾਅ ਦੇਣ ਦੀ ਕੋਈ ਲੋੜ ਨਹੀਂ ਹੈ।