ਅੰਮ੍ਰਿਤਸਰ:ਮਾਮਲਾ ਅੰਮ੍ਰਿਤਸਰ ਦੇ ਬੱਸ ਸਟੈਂਡ ਦਾ ਹੈ, ਜਿੱਥੇ ਬੱਸ ਵਿੱਚ ਚੜ੍ਹਨ ਨੂੰ ਲੈਕੇ ਇੱਕ ਮਹਿਲਾ ਦਾ ਬੱਸ ਦੇ ਕੰਡਕਟਰ ਨਾਲ ਝਗੜਾ ਹੋ ਗਿਆ। ਇਸ ਦੌਰਾਨ ਕੰਡਕਟਰ ਵੱਲੋਂ ਮਹਿਲਾ ’ਤੇ ਕਾਫੀ ਇਲਜ਼ਾਮ ਲਗਾਏ ਗਏ ਹਨ। ਇਸ ਦੌਰਾਨ ਕੰਡਕਟਰ ਨੇ ਇਲਜਾਮ ਲਗਾਉਂਦੇ ਹੋਏ ਬੱਸ ਵਿੱਚ ਚੜ੍ਹਨ ਵਾਲੀਆਂ ਹੋਰ ਸਵਾਰੀਆਂ ਤੋਂ ਵੀ ਕਹਾਇਆ ਕਿ ਉਸ ਦੀ ਕੋਈ ਗ਼ਲਤੀ ਨਹੀਂ ਸੀ। ਜਦਕਿ ਮਹਿਲਾ ਵੱਲੋਂ ਉਸ ਨਾਲ ਬਦਸਲੂਕੀ ਕੀਤੀ ਗਈ ਅਤੇ ਉਸ ਦਾ ਕਾਫੀ ਮਹਿੰਗਾ ਫੋਨ ਵੀ ਥੱਲੇ ਸੁੱਟ ਕੇ ਤੋੜ ਦਿੱਤਾ ਹੈ।
ਕੰਡਕਟਰ ਤੇ ਮਹਿਲਾ ਵਿਚਾਲੇ ਹੋਈ ਤਕਰਾਰ
ਕੰਡਕਟਰ ਨੇ ਦੱਸਿਆ ਕਿ ਉਹ ਸਵਾਰੀਆਂ ਦੀਆਂ ਟਿਕਟਾਂ ਕੱਟ ਰਿਹਾ ਸੀ ਪਰ ਮਹਿਲਾ ਵੱਲੋਂ ਧੱਕੇ ਨਾਲ ਬੱਸ ਵਿੱਚ ਚੜ੍ਹਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਸੀ। ਇਸਦੇ ਚੱਲਦੇ ਹੀ ਮਹਿਲਾ ਵੱਲੋਂ ਧੱਕਾ ਕੀਤਾ ਗਿਆ।ਕੰਡਕਟਰ ਨੇ ਕਿਹਾ ਕਿ ਸੀਟ ਉੱਪਰ ਬੈਠਣ ਦੇ ਚੱਲਦੇ ਹੀ ਮਹਿਲਾ ਵੱਲੋਂ ਉਸ ਨਾਲ ਧੱਕੇਸ਼ਾਹੀ ਕੀਤੀ ਗਈ ਹੈ।