ਪੰਕਜ ਅਡਵਾਨੀ ਨੇ ਜਿੱਤਿਆ IBSF ਵਰਲਡ ਬਿਲਿਅਰਡਜ਼ ਵਿਸ਼ਵ ਕੱਪ, ਪ੍ਰਧਾਨ ਮੰਤਰੀ ਮੋਦੀ ਨੇ ਦਿੱਤੀ ਵਧਾਈ

ਪੰਕਜ ਅਡਵਾਨੀ ਦੇ ਵਿਸ਼ਵ ਬਿਲਿਅਰਡਜ਼ ਚੈਂਪੀਅਨਸ਼ਿਪ ਜਿੱਤਣ ਤੋਂ ਬਾਅਦ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਵਧਾਈ ਦਿੰਦਿਆਂ ਕਿਹਾ ਕਿ ਪੂਰੇ ਦੇਸ਼ ਨੂੰ ਤੁਹਾਡੀਆਂ ਉਪਲੱਭਧੀਆਂ ਉੱਤੇ ਮਾਣ ਹੈ।

ਹੈਦਰਾਬਾਦ : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਬਿਲਿਅਰਡਜ਼ ਖਿਡਾਰੀ ਪੰਕਜ ਅਡਵਾਨੀ ਨੂੰ ਆਈਬੀਐੱਸਐੱਫ਼ ਵਿਸ਼ਵ ਬਿਲਿਅਰਡਜ਼ ਚੈਂਪੀਅਨਸ਼ਿਪ ਖ਼ਿਤਾਬ ਜਿੱਤਣ ਲਈ ਵਧਾਈ ਦਿੱਤੀ ਹੈ।
ਅਡਵਾਨੀ ਨੇ ਐਤਵਾਰ ਨੂੰ ਮੰਡਾਲੇ ਵਿੱਚ 150 ਅੱਪ ਰੂਪ-ਰੇਖਾ ਵਿੱਚ ਲਗਾਤਾਰ ਵਿਸ਼ਵ ਖ਼ਿਤਾਬ ਜਿੱਤ ਕੇ ਆਪਣੇ ਵਿਸ਼ਵ ਕੱਪ ਖ਼ਿਤਾਬਾਂ ਦੀ ਗਿਣਤੀ ਨੂੰ 22 ਤੱਕ ਪਹੁੰਚਾ ਦਿੱਤਾ ਹੈ।

ਮੋਦੀ ਨੇ ਟਵੀਟਰ ਉੱਤੇ ਅਡਵਾਨੀ ਨੂੰ ਵਧਾਈ ਦਿੰਦੇ ਹੋਏ ਕਿਹਾ ਕਿ ਪੰਕਜ ਅਡਵਾਨੀ ਨੂੰ ਵਧਾਈ ਹੋਵੇ। ਪੂਰੇ ਦੇਸ਼ ਨੂੰ ਤੁਹਾਡੀਆਂ ਉਪਲੱਭਧੀਆਂ ਉੱਤੇ ਮਾਣ ਹੈ। ਤੁਹਾਡੀ ਦ੍ਰਿੜਤਾ ਤਾਰੀਫ ਦੇ ਯੋਗ ਹੈ। ਭਵਿੱਖ ਦੇ ਟੂਰਨਾਮੈਂਟਾਂ ਲਈ ਤੁਹਾਨੂੰ ਸ਼ੁੱਭ ਕਾਮਨਾਵਾਂ।

ਤੁਹਾਨੂੰ ਦੱਸ ਦਈਏ ਕਿ ਅਡਵਾਨੀ ਨੇ ਪਿਛਲੇ ਸਾਲ ਵੀ ਓ ਕੋ ਫ਼ਾਈਨਲ ਵਿੱਚ ਹਰਾ ਕੇ ਸੋਨ ਤਮਗ਼ਾ ਜਿੱਤਿਆ ਸੀ। ਭਾਰਤੀ ਖਿਡਾਰੀ ਨੇ 2014 ਤੋਂ ਬਾਅਦ ਬਿਲਿਅਰਡਜ਼, ਸਨੂਕਰ ਵਿੱਚ ਹਰ ਸਾਲ ਇਹ ਖ਼ਿਤਾਬ ਜਿੱਤਿਆ ਹੈ।

ਅਡਵਾਨੀ ਨੇ ਆਪਣੀ ਇਸ ਜਿੱਤ ਉੱਤੇ ਕਿਹਾ ਕਿ ਅਸਲ ਵਿੱਚ ਇਹ ਇੱਕ ਸੋਚ ਤੋਂ ਪਰ੍ਹੇ ਦੀ ਜਿੱਤ ਹੈ। ਲਗਾਤਾਰ 4 ਸਾਲ ਤੱਕ ਖ਼ਿਤਾਬ ਜਿੱਤਣਾ ਅਤੇ ਪਿਛਲੇ 6 ਫ਼ਾਈਨਲਾਂ ਵਿੱਚੋਂ 5 ਵਾਰ ਖ਼ਿਤਾਬ ਆਪਣੇ ਨਾਂਅ ਕਰਨਾ ਮੇਰੇ ਲਈ ਇੱਕ ਬੇਹੱਦ ਖ਼ਾਸ ਉਪਲੱਭਧੀ ਹੈ।