ਕਰਾਚੀ: ਪਾਕਿਸਤਾਨ ਸੁਪਰ ਲੀਗ (ਪੀਐਸਐਲ) ਦੇ ਪੰਜਵੇਂ ਐਡੀਸ਼ਨ ਦਾ ਖਿਤਾਬ ਜਿੱਚਣ ਵਾਲੀ ਕਰਾਚੀ ਕਿੰਗਜ਼ ਦੇ ਹਰ ਖਿਡਾਰੀ ਨੂੰ ਇਨਾਮ ਵਜੋਂ ਅਪਾਰਟਮੈਂਟ ਦੇਣ ਦਾ ਐਲਾਨ ਕੀਤਾ ਗਿਆ ਹੈ। ਇੱਕ ਪਾਕਿਸਤਾਨੀ ਪੱਤਰਕਾਰ ਦੇ ਅਨੁਸਾਰ ਇਹ ਐਲਾਨ ਫਰੈਂਚਾਈਜ਼ ਦੇ ਮਾਲਕ ਨੇ ਆਪ ਕੀਤਾ ਹੈ। ਕਰਾਚੀ ਨੇ ਮੰਗਲਵਾਰ ਨੂੰ ਖੇਡੇ ਗਏ ਫਾਈਨਲ ਵਿੱਚ ਲਾਹੌਰ ਕਲੰਦਰਜ਼ ਨੂੰ ਪੰਜ ਵਿਕਟਾਂ ਨਾਲ ਮਾਤ ਦੇ ਕੇ ਪੀਐਸਐਲ ਟਰਾਫੀ ਆਪਣੇ ਨਾਂਅ ਕਰ ਲਈ ਹੈ।
ਇੱਕ ਪਾਕਿਸਤਾਨੀ ਪੱਤਰਕਾਰ ਨੇ ਦੱਸਿਆ ਕਿ ਕਰਾਚੀ ਕਿੰਗਜ਼ ਦੇ ਮਾਲਕ ਸਲਮਾਨ ਇੱਕਬਾਲ ਨੇ ਇੱਕ ਰਿਅਲ ਅਸਟੇਟ ਪ੍ਰੋਜੈਕਟ ਵਿੱਚੋਂ ਹਰੇਕ ਖਿਡਾਰੀ ਨੂੰ ਅਪਾਰਟਮੈਂਟ ਦੇਣ ਦਾ ਐਲਾਨ ਕੀਤਾ ਹੈ।
ਉਨ੍ਹਾਂ ਨੇ ਟਵੀਟ ਵਿੱਚ ਲਿਖਿਆ, “ਕਰਾਚੀ ਕਿੰਗਜ਼ ਦੇ ਮਾਲਕ ਸਲਮਾਨ ਇੱਕਬਾਲ ਨੇ ਪੀਐਸਐਲ ਜਿੱਤਣ ਵਾਲੀ ਕਰਾਚੀ ਕਿੰਗਜ਼ ਦੇ ਹਰ ਖਿਡਾਰੀ ਲਈ ਅਪਾਰਟਮੈਂਟ ਦੇਣ ਦਾ ਐਲਾਨ ਕੀਤਾ ਹੈ”।