ਨਵੀਂ ਦਿੱਲੀ:ਸਚਿਨ ਤੇਂਦੁਲਕਰ ਨੇ ਅੱਜ ਦੇ ਦਿਨ ਅੰਤਰਰਾਸ਼ਟਰੀ ਕ੍ਰਿਕਟ 'ਚ ਅਜਿਹਾ ਕਾਰਨਾਮਾ ਕੀਤਾ ਸੀ, ਜੋ ਅੱਜ ਤੱਕ ਕੋਈ ਨਹੀਂ ਕਰ ਸਕਿਆ ਹੈ। ਤੇਂਦੁਲਕਰ ਨੇ 16 ਮਾਰਚ 2012 ਨੂੰ ਆਪਣਾ 100ਵਾਂ ਸੈਂਕੜਾ ਬਣਾ ਕੇ ਇਤਿਹਾਸ ਵਿੱਚ ਆਪਣਾ ਨਾਂ ਦਰਜ ਕਰਵਾਇਆ। ਉਨ੍ਹਾਂ ਨੇ ਇਹ ਸੈਂਕੜਾ ਬੰਗਲਾਦੇਸ਼ ਦੇ ਖਿਲਾਫ ਸ਼ੇਰੇ-ਏ-ਬੰਗਲਾ ਸਟੇਡੀਅਮ 'ਚ ਖੇਡੇ ਗਏ ਵਨਡੇ ਮੈਚ 'ਚ ਲਗਾਇਆ। ਸਚਿਨ ਨੇ 147 ਗੇਂਦਾਂ ਵਿੱਚ 114 ਦੌੜਾਂ ਬਣਾਈਆਂ ਸਨ। ਤੇਂਦੁਲਕਰ ਨੇ 138 ਗੇਂਦਾਂ ਵਿੱਚ 100 ਦੌੜਾਂ ਪੂਰੀਆਂ ਕੀਤੀਆਂ। ਭਾਰਤ ਇਹ ਮੈਚ ਹਾਰ ਗਿਆ।
ਸਚਿਨ ਤੇਂਦੁਲਕਰ ਦੇ ਨਾਂ ਸੈਕੜੇ: ਸਚਿਨ ਨੇ ਇਹ ਸੈਂਕੜਾ 462ਵੇਂ ਵਨਡੇ 'ਚ ਲਗਾਇਆ। ਤੇਂਦੁਲਕਰ ਨੇ ਵਨਡੇ 'ਚ ਕੁੱਲ 49 ਸੈਂਕੜੇ ਲਗਾਏ ਹਨ। ਵਨਡੇ ਵਿੱਚ ਉਸਦਾ ਸਰਵੋਤਮ ਸਕੋਰ 200 ਨਾਬਾਦ ਹੈ। ਸਚਿਨ ਨੇ ਵਨਡੇ 'ਚ 18426 ਦੌੜਾਂ ਬਣਾਈਆਂ ਹਨ। ਸਚਿਨ ਨੇ ਟੈਸਟ ਕ੍ਰਿਕਟ 'ਚ 15921 ਦੌੜਾਂ ਬਣਾਈਆਂ ਹਨ। ਉਸ ਦਾ ਸਰਵੋਤਮ ਸਕੋਰ ਨਾਬਾਦ 248 ਹੈ। ਭਾਰਤ ਰਤਨ ਨਾਲ ਸਨਮਾਨਿਤ ਤੇਂਦੁਲਕਰ ਨੇ ਸਿਰਫ਼ ਇੱਕ ਅੰਤਰਰਾਸ਼ਟਰੀ ਟੀ-20 ਮੈਚ ਖੇਡਿਆ ਹੈ। ਇਸ ਮੈਚ 'ਚ ਸਚਿਨ ਨੇ 10 ਦੌੜਾਂ ਬਣਾਈਆਂ ਸਨ।
ਵਿਰਾਟ ਕੋਹਲੀ ਦੇ ਨਾਂ ਸੈਕੜੇ: ਸਚਿਨ ਤੇਂਦੁਲਕਰ ਦੇ ਇਸ ਰਿਕਾਰਡ ਨੂੰ ਤੋੜਨਾ ਆਸਾਨ ਨਹੀਂ ਹੈ। ਪਰ ਵਿਰਾਟ ਕੋਹਲੀ 75 ਸੈਂਕੜੇ ਬਣਾ ਕੇ ਦੂਜੇ ਨੰਬਰ 'ਤੇ ਹਨ। ਵਿਰਾਟ ਨੇ 108 ਟੈਸਟਾਂ 'ਚ 28 ਸੈਂਕੜੇ ਲਗਾਏ ਹਨ। ਵਿਰਾਟ ਦੇ ਨਾਂ 271 ਵਨਡੇ ਮੈਚਾਂ 'ਚ 46 ਸੈਂਕੜੇ ਹਨ। ਵਿਰਾਟ ਨੇ 115 ਟੀ-20 ਅੰਤਰਰਾਸ਼ਟਰੀ ਮੈਚਾਂ 'ਚ ਸਿਰਫ ਇਕ ਸੈਂਕੜਾ ਲਗਾਇਆ ਹੈ। ਟੈਸਟ 'ਚ ਵਿਰਾਟ ਦਾ ਸਰਵੋਤਮ ਸਕੋਰ ਨਾਬਾਦ 254 ਹੈ। ਇਸ ਦੇ ਨਾਲ ਹੀ ਵਨਡੇ 'ਚ ਵਿਰਾਟ ਦਾ ਸਰਵੋਤਮ ਸਕੋਰ 183 ਦੌੜਾਂ ਹੈ।