ਕਰਾਚੀ: ਏਸ਼ੀਆ ਕੱਪ 2020 ਇਸ ਸਾਲ ਹੋਣਾ ਸੀ ਪਰ ਮਹਾਂਮਾਰੀ ਦੇ ਕਾਰਨ ਇਸ ਨੂੰ ਮੁੱਲਤਵੀ ਕਰ ਦਿੱਤਾ ਗਿਆ ਹੈ। ਇਸ ਸਾਲ ਏਸ਼ੀਆ ਕੱਪ ਪਾਕਿਸਤਾਨ ਵਿੱਚ ਹੋਣਾ ਸੀ ਪਰ ਹੁਣ ਇਹ 2021 ਵਿੱਚ ਹੋਵੇਗਾ। ਪਾਕਿਸਤਾਨ ਕ੍ਰਿਕਟ ਬੋਰਡ (ਪੀਸੀਬੀ) ਨੇ ਇਸ ਬਾਰੇ ਜਾਣਕਾਰੀ ਦਿੱਤੀ ਹੈ। ਪੀਸੀਬੀ ਦੇ ਸੀਈਓ ਵਸੀਮ ਖਾਨ ਨੇ ਕਿਹਾ ਹੈ ਕਿ 2021 ਏਸ਼ੀਆ ਕੱਪ ਸ਼੍ਰੀਲੰਕਾ ਵਿੱਚ ਹੋਵੇਗਾ ਅਤੇ ਪਾਕਿਸਤਾਨ ਨੂੰ 2022 ਦੀ ਮੇਜ਼ਬਾਨੀ ਦੇ ਅਧਿਕਾਰ ਪ੍ਰਾਪਤ ਹੋਏ ਹਨ।
ਖਾਨ ਨੇ ਕਿਹਾ, “ਅਗਲਾ ਏਸ਼ੀਆ ਕੱਪ ਜੂਨ ਵਿੱਚ ਸ੍ਰੀਲੰਕਾ ਵਿੱਚ ਹੋਵੇਗਾ ਅਤੇ ਸਾਡੇ ਕੋਲ 2022 ਦੇ ਏਸ਼ੀਆ ਕੱਪ ਦੀ ਮੇਜ਼ਬਾਨੀ ਕਰਨ ਦੇ ਅਧਿਕਾਰ ਹਨ।
ਏਸ਼ੀਆ ਕੱਪ ਇਸ ਸਾਲ ਅਗਸਤ-ਸਤੰਬਰ ਵਿੱਚ ਹੋਣ ਜਾ ਰਿਹਾ ਸੀ, ਪਰ ਅਜਿਹਾ ਨਹੀਂ ਹੋਇਆ। ਆਸਟ੍ਰੇਲੀਆ ਵਿੱਚ ਟੀ -20 ਵਿਸ਼ਵ ਕੱਪ ਵੀ 2021 ਤੱਕ ਮੁੱਲਤਵੀ ਕਰ ਦਿੱਤਾ ਗਿਆ ਸੀ। ਆਈਪੀਐਲ ਵੀ ਮਾਰਚ ਦੀ ਬਜਾਏ ਸਤੰਬਰ ਵਿੱਚ ਹੋਈ ਸੀ, ਜੋ ਕਿ ਭਾਰਤ ਵਿੱਚ ਨਹੀਂ ਯੂਏਈ ਵਿੱਚ ਖੇਡੇ ਗਏ।
ਪਾਕਿਸਤਾਨ ਨੇ ਦੇਸ਼ ਵਿੱਚ ਕ੍ਰਿਕਟ ਦੀ ਮੇਜ਼ਬਾਨੀ ਸ਼ੁਰੂ ਕਰ ਦਿੱਤੀ ਹੈ। ਨੈਸ਼ਨਲ ਟੀ -20 ਕੱਪ ਅਤੇ ਕਾਇਦ-ਏ-ਆਜ਼ਮ ਟਰਾਫੀ ਖੇਡੀ ਗਈ। ਪਾਕਿਸਤਾਨ ਕ੍ਰਿਕਟ ਟੀਮ ਨੇ ਜ਼ਿੰਬਾਬਵੇ ਖਿਲਾਫ ਪਾਕਿਸਤਾਨ ਵਿੱਚ ਵਨਡੇ ਅਤੇ ਟੀ -20 ਸੀਰੀਜ਼ ਵੀ ਖੇਡੀ ਸੀ। ਇਹ ਮੈਚ ਰਾਵਲਪਿੰਡੀ ਕ੍ਰਿਕਟ ਸਟੇਡੀਅਮ ਵਿੱਚ ਖੇਡੇ ਗਏ ਸਨ। ਨਵੰਬਰ ਵਿੱਚ 2020 ਪੀਐਸਐਲ ਦੇ ਬਾਕੀ ਮੈਚ ਵੀ ਖੇਡੇ ਗਏ ਸਨ।