ਸਰਜਰੀ ਤੋਂ ਬਾਅਦ ਰੋਬਿਨ ਅਥੱਪਾ ਦੀ ਹੋਈ ਵਾਪਸੀ

ਸਰਜਰੀ ਤੋਂ ਬਾਅਦ ਕ੍ਰਿਕੇਟਰ ਰੋਬਿਨ ਉਥੱਪਾ ਨੇ ਖੇਡਿਆ ਸੈਯਦ ਮੁਸ਼ਤਾਕ ਅਲੀ ਟੀ-20 ਟੂਰਨਾਮੈਂਟ, ਕਿਹਾ- "ਮੈਂ ਹੁਣ ਚੰਗੀ ਥਾਂ 'ਤੇ ਹਾਂ। ਸਰਜਰੀ ਕਰਵਾਉਣ ਦੌਰਾਨ ਮੈਂ ਬਹੁਤ ਕੁੱਝ ਸਿਖਿਆ।"

ਕੋਲਕਾਤਾ: ਇੰਡੀਅਨ ਪ੍ਰੀਮਿਅਰ ਲੀਗ (ਆਈਪੀਐੱਲ) 'ਚ ਕੋਲਕਾਤਾ ਨਾਈਟ ਰਾਈਡਰਸ ਤੋਂ ਖੇਡਣ ਵਾਲੇ ਓਪਨਰ ਬੱਲੇਬਾਜ਼ ਰੋਬਿਨ ਉਥੱਪਾ ਨੇ ਸੈਯਦ ਮੁਸ਼ਤਾਕ ਅਲੀ ਟੀ-20 ਟੂਰਨਾਮੈਂਟ 'ਚ ਹਿੱਸਾ ਲੈਣ ਤੋਂ ਬਾਅਦ ਕਿਹਾ ਕਿ ਉਹ ਹੁਣ ਚੰਗੀ ਸਥਿਤੀ 'ਚ ਹਨ।

33 ਸਾਲਾ ਰੋਬਿਨ ਉਥੱਪਾ ਨੇ ਵੀਰਵਾਰ ਨੂੰ ਰੇਲਵੇ ਵਿਰੁੱਧ 46 ਦੌੜਾਂ ਦੀ ਮਹੱਤਵਪੂਰਨ ਪਾਰੀ ਖੇਡੀ। ਨਾਈਟ ਰਾਈਡਰਸ ਦੀ ਵੈੱਬਸਾਈਟ ਨੇ ਅਥੱਪਾ ਦੇ ਹਵਾਲੇ ਤੋਂ ਦੱਸਿਆ, "ਮੈਂ ਹੁਣ ਚੰਗੀ ਥਾਂ 'ਤੇ ਹਾਂ। ਸੱਚ ਦੱਸਾਂ ਤਾਂ ਸੱਟ ਲੱਗਣ ਅਤੇ ਸਰਜਰੀ ਕਰਵਾਉਣ ਦੌਰਾਨ ਮੈਂ ਬਹੁਤ ਕੁੱਝ ਸਿਖਿਆ।"

ਰੋਬਿਨ ਉਥੱਪਾ ਨੇ ਕਿਹਾ, "ਸੱਟ ਕਾਰਨ ਮੇਰਾ ਗਿੱਟਾ ਲਚੀਲਾ ਨਹੀਂ ਰਿਹਾ। ਮੈਨੂੰ ਪਿਛਲੇ ਤਿੰਨ ਜਾਂ ਚਾਰ ਸਾਲਾਂ ਤੋਂ ਇਹ ਤਕਲੀਫ਼ ਹੈ। ਸਰਜਰੀ ਤੋਂ ਬਾਅਦ ਮੈਂ ਠੀਕ ਹਾਂ ਤੇ ਮੈਨੂੰ ਮੁੜ ਤੋਂ ਕ੍ਰਿਕੇਟ ਖੇਡ ਕੇ ਖੁਸ਼ੀ ਹੋ ਰਹੀ ਹੈ।"

ਉਥੱਪਾ ਨੇ ਆਪਣੇ ਗਿੱਟੇ ਦੀ ਸਰਜਰੀ ਕਰਵਾਈ ਸੀ ਜਿਸ ਕਾਰਨ ਉਹ ਚਾਰ ਮਹੀਨਿਆਂ ਤੱਕ ਮੈਦਾਨ ਤੋਂ ਬਾਹਰ ਰਹੇ।