ਪਲੇਆਫ ਦੀ ਦੌੜ ਤੋਂ ਬਾਹਰ ਹੋਈ CSK, ਮਿਸੇਜ਼ ਧੋਨੀ ਨੇ "ਸੁਪਰਕਿੰਗਜ਼" ਲਈ ਲਿਖੀ ਖ਼ਾਸ ਕਵਿਤਾ

ਸੀਐਸਕੇ ਦੇ ਪ੍ਰਸ਼ੰਸਕ ਇਹ ਜਾਣ ਕੇ ਬਹੁਤ ਦੁਖੀ ਹੋਣਗੇ ਕਿ ਰਾਜਸਥਾਨ ਦੀ ਮੁੰਬਈ ਖਿਲਾਫ ਜਿੱਤ ਤੋਂ ਬਾਅਦ ਉਨ੍ਹਾਂ ਲਈ ਪਲੇਆਫ ਦੇ ਸਾਰੇ ਰਸਤੇ ਬੰਦ ਹੋ ਗਏ ਹਨ। ਟੀਮ ਦੇ ਕਪਤਾਨ ਐਮਐਸ ਧੋਨੀ ਦੀ ਪਤਨੀ ਸਾਕਸ਼ੀ ਨੇ "ਸੁਪਰਕਿੰਗਜ਼ "ਲਈ ਖ਼ਾਸ ਕਵਿਤਾ ਲਿਖੀ ਹੈ।

ਹੈਦਰਾਬਾਦ: ਤਿੰਨ ਵਾਰ ਦੀ ਆਈਪੀਐਲ ਚੈਂਪੀਅਨ ਟੀਮ ਚੇਨਈ ਸੁਪਰਕਿੰਗਜ਼ (ਸੀਐਸਕੇ) ਨੇ ਐਤਵਾਰ ਨੂੰ ਰਾਇਲ ਚੈਲੇਂਜਰਜ਼ ਬੈਂਗਲੁਰੂ ਨੂੰ ਅੱਠ ਵਿਕਟਾਂ ਨਾਲ ਹਰਾਇਆ। ਚੇਨਈ ਪਲੇਆਫ ਦੌੜ ਵਿਚੋਂ ਬਾਹਰ ਹੋਣ ਵਾਲੀ ਪਹਿਲੀ ਟੀਮ ਬਣੀ। ਇਹ ਉਦੋਂ ਹੋਇਆ ਜਦੋਂ ਰਾਜਸਥਾਨ ਰਾਇਲਜ਼ ਨੇ ਮੁੰਬਈ ਇੰਡੀਅਨਜ਼ ਨੂੰ ਹਰਾ ਕੇ ਇੱਕ ਵੱਡੀ ਜਿੱਤ ਦਰਜ ਕੀਤੀ ਅਤੇ ਹੁਣ ਉਹ ਅੰਕ ਸੂਚੀ ਵਿੱਚ ਛੇਵੇਂ ਸਥਾਨ 'ਤੇ ਆ ਗਿਆ ਹੈ। ਆਈਪੀਐਲ ਦੇ ਇਤਿਹਾਸ ਵਿੱਚ ਅਜਿਹਾ ਪਹਿਲੀ ਵਾਰ ਹੋਇਆ ਹੈ, ਜਦੋਂ ਕਿ ਸੀਐਸਕੇ ਪਲੇਅ ਆਫ ਵਿੱਚ ਨਹੀਂ ਪਹੁੰਚ ਸਕੀ।

ਸੀਐਸਕੇ ਦੇ ਪ੍ਰਸ਼ੰਸਕਾਂ ਲਈ ਇਸ ਬੁਰੀ ਖ਼ਬਰ ਤੋਂ ਬਾਅਦ, ਸੀਐਸਕੇ ਕਪਤਾਨ ਐਮਐਸ ਧੋਨੀ ਦੀ ਪਤਨੀ ਸਾਕਸ਼ੀ ਸਿੰਘ ਧੋਨੀ ਨੇ ਸੋਸ਼ਲ ਮੀਡੀਆ ਉੱਤੇ ਇੱਕ ਕਵਿਤਾ ਲਿਖੀ। ਉਸ ਨੇ ਇਹ ਕਵਿਤਾ "ਸੁਪਰਕਿੰਗਜ਼ " ਲਈ ਲਿਖੀ ਹੈ।

ਇਸ ਕਵਿਤਾ ਦੀ ਤਸਵੀਰ ਸੀਐਸਕੇ ਦੇ ਟਵਿੱਟਰ ਹੈਂਡਲ ਨੇ ਵੀ ਸ਼ੇਅਰ ਕੀਤੀ ਹੈ। ਮਹੱਤਵਪੂਰਣ ਗੱਲ ਇਹ ਹੈ ਕਿ ਐਤਵਾਰ ਨੂੰ ਸੀਐਸਕੇ ਦੇ ਪ੍ਰਸ਼ੰਸਕਾਂ ਦੀ ਮਿਲੀ-ਜੁਲੀ ਪ੍ਰਤੀਕਿਰਿਆ ਆਈ। ਧੋਨੀ ਐਂਡ ਕੰਪਨੀ ਨੇ ਇਸ ਸੀਜ਼ਨ ਦੀ ਆਪਣੀ ਬਿਹਤਰੀਨ ਕਾਰਗੁਜ਼ਾਰੀ ਆਰਸੀਬੀ ਦੇ ਖਿਲਾਫ ਕੀਤੀ। ਇਸ ਮੈਚ ਤੋਂ ਬਾਅਦ ਉਨ੍ਹਾਂ ਨੂੰ ਪਲੇਆਫ ਵਿੱਚ ਪਹੁੰਚਣ ਦਾ ਮੌਕਾ ਮਿਲਿਆ ਪਰ ਰਾਜਸਥਾਨ ਰਾਇਲਜ਼ ਨੇ ਮੁੰਬਈ ਇੰਡੀਅਨਜ਼ ਨੂੰ ਹਰਾਉਣ ਤੋਂ ਬਾਅਦ ਇਹ ਉਮੀਦ ਵੀ ਖ਼ਤਮ ਹੋ ਗਈ।