ਮੈਲਬਰਨ : ਇੰਗਲੈਂਡ ਅਤੇ ਆਸਟ੍ਰੇਲੀਆ ਦਰਮਿਆਨ ਚੱਲ ਰਹੀ ਐਸ਼ੇਜ਼ ਲਈ ਦੀ ਪੂਰੀ ਦੁਨੀਆਂ ਦੀਵਾਨੀ ਹੈ। ਇਸ ਗੱਲ ਦਾ ਸਬੂਤ ਹੈ ਇੱਕ 12 ਸਾਲ ਦਾ ਆਸਟ੍ਰੇਲੀਆਈ ਲੜਕਾ। ਤੁਹਾਨੂੰ ਦੱਸ ਦਈਏ ਕਿ 12 ਸਾਲ ਦੇ ਲੜਕੇ ਮੈਕਸ ਵੈਟ ਨੇ 4 ਸਾਲ ਕੂੜਾ ਚੁੱਕ ਕੇ ਇੰਗਲੈਂਡ ਵਿੱਚ ਜਾਰੀ ਐਸ਼ੇਜ਼ ਲੜੀ ਨੂੰ ਦੇਖਣ ਲਈ ਪੈਸੇ ਇਕੱਠੇ ਕਰੇ।
ਮੈਕਸ ਨੇ ਕਿਹਾ ਕਿ ਮੈਂ ਸਟੀਵ ਵਾਅ, ਜਸਟਿਨ ਲੈਂਗਰ ਅਤੇ ਨਾਥਨ ਲਾਇਨ ਦੇ ਨਾਲ ਬੈਠਾ ਸੀ। ਜਸਟਿਨ ਲੈਂਗਰ ਨੇ ਮੈਨੂੰ ਪਲਾਨ ਬੁੱਕ ਦਿਖਾਈ ਜੋ ਸ਼ਾਨਦਾਰ ਸੀ। ਸਟੀਵਅ ਨਾਲ ਗੱਲ ਕਰਨਾ ਬਹੁਤ ਹੀ ਮਜ਼ੇਦਾਰ ਸੀ। ਉਨ੍ਹਾਂ ਨੇ ਆਪਣੇ ਪਸੰਦ ਦੇ ਖਿਡਾਰੀ ਦਾ ਨਾਂਅ ਲੈਂਦੇ ਹੋਏ ਕਿਹਾ ਕਿ ਸਟੀਵ ਸਮਿਥ ਅਤੇ ਪੈਟ ਕਮਿੰਸ ਮੇਰੇ ਸਭ ਤੋਂ ਪਿਆਰੇ ਖਿਡਾਰੀ ਹਨ। ਮੈਂ ਉਨ੍ਹਾਂ ਨਾਲ ਗੱਲ ਕੀਤੀ ਕਿ ਉਹ ਕਿਸ ਤਰ੍ਹਾਂ ਤਿਆਰੀ ਕਰਦੇ ਹਨ।
ਤੁਹਾਨੂੰ ਦੱਸ ਦਈਏ ਕਿ ਮੈਕਸ ਨੇ ਆਪਣੇ ਘਰੇਲੂ ਮੈਦਾਨ ਉੱਤੇ 2015 ਦਾ ਵਿਸ਼ਵ ਕੱਪ ਦੇਖਿਆ ਸੀ ਜਿਸ ਤੋਂ ਬਾਅਦ ਉਸ ਨੇ ਪੱਕਾ ਕਰ ਲਿਆ ਕਿ ਉਹ ਐਸ਼ੇਜ਼ ਵੀ ਦੇਖੇਗਾ। ਪਰ ਇੰਗਲੈਂਡ ਦਾ ਸਫ਼ਰ ਸੌਖਾ ਨਹੀਂ ਸੀ। ਉਸ ਦੇ ਪਿਤਾ ਡਿਮੀਨ ਨੇ ਵਾਅਦਾ ਕੀਤਾ ਸੀ ਕਿ ਜੇ ਉਹ 1500 ਆਸਟ੍ਰੇਲੀਆਈ ਡਾਲਰ ਜਮ੍ਹਾ ਕਰ ਲੈਂਦਾ ਹੈ ਤਾਂ ਉਹ ਉਸ ਨੂੰ ਇੰਗਲੈਂਡ ਲੈ ਕੇ ਜਾਣਗੇ। ਇੱਕ ਬੱਚੇ ਲਈ 1500 ਆਸਟ੍ਰੇਲੀਆਈ ਡਾਲਰ ਜਮ੍ਹਾ ਕਰਨਾ ਸੌਖਾ ਨਹੀਂ ਸੀ, ਫ਼ਿਰ ਮੈਕਸ ਅਤੇ ਉਸ ਦੀ ਮਾਂ ਨੇ ਤੈਅ ਕੀਤਾ ਕਿ ਉਹ ਹਫ਼ਤੇ ਹਰ ਆਖ਼ਰੀ ਦਿਨ ਆਪਣੇ ਗੁਆਂਢੀਆਂ ਦਾ ਕੂੜਾ ਚੁੱਕਣਗੇ ਜਿਸ ਲਈ ਉਹ ਇੱਕ ਘਰ ਤੋਂ 1 ਆਸਟ੍ਰੇਲੀਆਈ ਡਾਲਰ ਕਮਾ ਲੈਣਗੇ।
ਫ਼ਿਰ ਕੀ ਸੀ, ਮੈਕਸ ਨੇ ਆਪਣੇ ਸਾਰੇ ਗੁਆਂਢੀਆਂ ਨੂੰ ਇੱਕ ਚਿੱਠੀ ਲਿਖੀ ਅਤੇ ਆਪਣੇ ਆਫ਼ਰ ਬਾਰੇ ਦੱਸਿਆ ਅਤੇ ਉਸ ਦੇ ਗੁਆਂਢੀਆਂ ਨੇ ਇਸ ਆਫ਼ਰ ਲਈ ਹਾਮੀ ਭਰ ਦਿੱਤੀ। ਇਹ ਸਭ 4 ਸਾਲ ਤੱਕ ਚੱਲਦਾ ਰਿਹਾ। ਉਹ ਹਫ਼ਤੇ ਆਖ਼ਰੀ ਦਿਨ ਕੂੜਾ ਚੁੱਕਦਾ ਰਿਹਾ। ਉਹ ਸਿਰਫ਼ ਉਦੋਂ ਹੀ ਛੁੱਟੀ ਲੈਂਦਾ ਜਦੋਂ ਉਹ ਬੀਮਾਰ ਹੁੰਦਾ ਸੀ। ਜਦ ਉਹ ਕੰਮ ਉੱਤੇ ਨਹੀਂ ਜਾ ਪਾਉਂਦਾ ਤਾਂ ਉਸ ਦਾ ਛੋਟਾ ਭਾਈ ਜਾਂ ਉਸ ਦੇ ਮਾਤਾ-ਪਿਤਾ ਉਸ ਲਈ ਕੂੜਾ ਚੁੱਕਦੇ।