ਮੁੰਬਈ: ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (BCCI) ਨੇ ਪੁਸ਼ਟੀ ਕੀਤੀ ਹੈ ਕਿ ਉਸ ਨੇ ਜੁਲਾਈ 2022 ਵਿੱਚ ਭਾਰਤੀ ਟੀਮ ਦੇ ਇੰਗਲੈਂਡ ਦੌਰੇ ਦੌਰਾਨ ਇੰਗਲੈਂਡ ਅਤੇ ਵੇਲਜ਼ ਨਾਲ ਹੋਏ ਨੁਕਸਾਨ ਦੀ ਭਰਪਾਈ ਲਈ ਦੋ ਹੋਰ ਟੀ -20 ਮੈਚ ਖੇਡਣ ਦੀ ਪੇਸ਼ਕਸ਼ ਕੀਤੀ ਹੈ।
ਕ੍ਰਿਕਟ ਬੋਰਡ (ECB) ਨੇ ਭਾਰਤੀ ਕੈਂਪ ਵਿੱਚ ਕੋਵਿਡ-19 ਦੇ ਫੈਲਣ ਕਾਰਨ ਮੈਨਚੇਸਟਰ ਟੈਸਟ ਰੱਦ ਕਰ ਦਿੱਤਾ ਹੈ। BCCI ਦੇ ਸਕੱਤਰ ਜੈ ਸ਼ਾਹ ਨੇ ਕਿਹਾ ਕਿ ਜੇਕਰ ECB ਪੰਜਵੇਂ ਟੈਸਟ ਦੇ ਡੈਡਲਾਕ ਨੂੰ ਸੁਲਝਾਉਣ ਲਈ ਸਹਿਮਤ ਹੋ ਜਾਂਦਾ ਹੈ ਤਾਂ ਦੋ ਹੋਰ ਟੀ-20 ਕੌਮਾਂਤਰੀ ਮੈਚਾਂ ਦੀ ਪੇਸ਼ਕਸ਼ ਬਰਕਰਾਰ ਰਹੇਗੀ।
ਇਹ ਵੀ ਪੜ੍ਹੋ:ਭਾਰਤੀ ਖਿਡਾਰੀਆਂ ਨੇ ਕੋਰੋਨਾ ਚਿੰਤਾਵਾਂ ਦੇ ਕਾਰਨ ਪੰਜਵੇ ਟੈਸਟ ’ਚ ਖੇਡਣ ਤੋਂ ਕੀਤਾ ਇਨਕਾਰ: ਗਾਂਗੁਲੀ
ਸ਼ਾਹ ਨੇ ਸੋਮਵਾਰ ਨੂੰ ਇੱਕ ਮੀਡੀਆ ਹਾਊਸ ਨੂੰ ਕਿਹਾ, "ਇਹ ਸੱਚ ਹੈ ਕਿ ਅਸੀਂ ਅਗਲੇ ਜੁਲਾਈ ਵਿੱਚ ਇੰਗਲੈਂਡ ਦੌਰਾ ਕਰਾਂਗੇ(ਸਿਰਫ਼ ਚਿੱਟੀ ਗੇਂਦ ਦੇ ਖੇਡ ਲਈ) ਉਦੋਂ ਦੋ ਵਾਧੂ ਟੀ-20 ਮੈਚ ਖੇਡਣ ਦੀ ਪੇਸ਼ਕਸ਼ ਕੀਤੀ ਹੈ। ਤਿੰਨ ਟੀ-20 ਦੀ ਬਜਾਏ, ਅਸੀਂ ਪੰਜ ਟੀ-20 ਖੇਡਾਂਗੇ। ਵਿਕਲਪਕ ਤੌਰ 'ਤੇ, ਅਸੀਂ ਇਕਲੌਤਾ ਟੈਸਟ ਵੀ ਖੇਡਣ ਲਈ ਤਿਆਰ ਹੋਵਾਂਗੇ। ਇਹ ਉਨ੍ਹਾਂ 'ਤੇ ਨਿਰਭਰ ਕਰਦਾ ਹੈ ਕਿ ਉਹ ਇਨ੍ਹਾਂ ਵਿੱਚੋਂ ਇੱਕ ਪੇਸ਼ਕਸ਼ ਦੀ ਚੋਣ ਕਰਨ।
ਯੂਕੇ ਦੇ ਇੱਕ ਮੀਡੀਆ ਹਾਊਸ ਨੇ ਸੋਮਵਾਰ ਨੂੰ ਕਿਹਾ ਕਿ ਮੁੜ ਨਿਰਧਾਰਤ ਟੈਸਟ ਦੀ ਪੇਸ਼ਕਸ਼ ਅਜੇ ਵੀ ਲਾਗੂ ਹੈ।
ਪਤਾ ਲੱਗਾ ਹੈ ਕਿ ਬੀਸੀਸੀਆਈ ਨੇ ਇੱਕ ਟੈਸਟ ਮੈਚ ਜਾਂ ਦੋ ਟੀ-20 ਮੈਚ ਚੁਣਨ ਦਾ ਅਧਿਕਾਰ ਈਸੀਬੀ 'ਤੇ ਛੱਡ ਦਿੱਤਾ ਹੈ ਜੋ ਅਗਲੇ ਸਾਲ ਇੰਗਲੈਂਡ ਦੌਰੇ ਦੌਰਾਨ ਖੇਡੇ ਜਾ ਸਕਦੇ ਹਨ। ਜੇ ਈਸੀਬੀ ਇੱਕ ਟੈਸਟ ਖੇਡਣ ਦਾ ਗੱਲ ਨੂੰ ਚੁਣਦਾ ਹੈ, ਤਾਂ ਇਹ ਇੱਕ ਲੜੀ ਦਾ ਪੰਜਵਾਂ ਮੈਚ ਹੋਵੇਗਾ, ਠੀਕ ਉਸ ਤਰ੍ਹਾਂ ਜਿਵੇਂ ਰੱਦ ਕੀਤਾ ਗਿਆ ਸੀ, ਨਾ ਕਿ ਸਟੈਂਡਅਲੋਨ ਖੇਡ।
