Asian Most Search Personality: ਗੂਗਲ 'ਤੇ ਵੀ ਕਿੰਗ ਕੋਹਲੀ ਦਾ ਜਲਵਾ, ਏਸ਼ੀਆ 'ਚ ਸਭ ਤੋਂ ਜ਼ਿਆਦਾ ਸਰਚ ਕੀਤੇ ਜਾਣ ਵਾਲੇ ਵਿਅਕਤੀ ਬਣੇ

ਕ੍ਰਿਕਟ ਦੇ ਮੈਦਾਨ 'ਤੇ ਆਪਣੇ ਚੌਕੇ ਅਤੇ ਛੱਕਿਆਂ ਨਾਲ ਧੂਮ ਮਚਾਉਣ ਵਾਲੇ ਭਾਰਤ ਦੇ ਸਟਾਰ ਬੱਲੇਬਾਜ਼ ਵਿਰਾਟ ਕੋਹਲੀ ਦਾ ਗੂਗਲ 'ਤੇ ਵੀ ਜਲਵਾ, ਵਿਰਾਟ ਕੋਹਲੀ 2023 ਵਿੱਚ ਗੂਗਲ 'ਤੇ ਏਸ਼ੀਆ ਵਿੱਚ ਸਭ ਤੋਂ ਵੱਧ ਸਰਚ ਕੀਤੇ ਜਾਣ ਵਾਲੇ ਵਿਅਕਤੀ ਬਣ ਗਏ ਹਨ।

ਨਵੀਂ ਦਿੱਲੀ: ਭਾਰਤੀ ਬੱਲੇਬਾਜ਼ ਵਿਰਾਟ ਕੋਹਲੀ ਦੇ ਭਾਰਤ 'ਚ ਹੀ ਨਹੀਂ ਸਗੋਂ ਪੂਰੀ ਦੁਨੀਆ 'ਚ ਪ੍ਰਸ਼ੰਸਕ ਹਨ। ਹਾਲਾਂਕਿ ਵਿਰਾਟ ਨੂੰ ਕ੍ਰਿਕਟ ਦਾ ਬਾਦਸ਼ਾਹ ਮੰਨਿਆ ਜਾਂਦਾ ਹੈ ਪਰ ਹੁਣ ਉਹ ਏਸ਼ੀਆ ਵਿੱਚ ਗੂਗਲ ਦੇ ਵੀ ਬਾਦਸ਼ਾਹ ਬਣ ਗਏ ਹਨ। ਸਾਲ 2023 'ਚ ਏਸ਼ੀਆ 'ਚ ਗੂਗਲ 'ਤੇ ਜੇਕਰ ਕਿਸੇ ਵਿਅਕਤੀ ਦਾ ਨਾਂ ਸਭ ਤੋਂ ਜ਼ਿਆਦਾ ਸਰਚ ਕੀਤਾ ਗਿਆ ਹੈ ਤਾਂ ਉਹ ਵਿਰਾਟ ਕੋਹਲੀ ਹਨ। ਇਸ ਤੋਂ ਬਾਅਦ BTS ਜੰਗਕੂਕ ਹੈ, ਜੋ ਕਿ ਟਿਕਟੋਕਰ ਸਟਾਰ ਹੈ। ਹਾਲਾਂਕਿ, ਦੋਵੇਂ ਚੋਟੀ ਦੇ ਖੋਜਕਰਤਾਵਾਂ ਦੀ ਸੂਚੀ ਵਿੱਚ ਉੱਪਰ 'ਤੇ ਹੇਠਾਂ ਹੁੰਦੇ ਰਹਿੰਦੇ ਹਨ।

ਪਾਕਿਸਤਾਨ ਵਿੱਚ ਵੀ ਵਿਰਾਟ ਕੋਹਲੀ ਦੇ ਪ੍ਰਸ਼ੰਸਕ: ਭਾਰਤ ਵਿੱਚ ਹੀ ਨਹੀਂ ਬਲਕਿ ਪਾਕਿਸਤਾਨ ਵਿੱਚ ਵੀ ਵਿਰਾਟ ਕੋਹਲੀ ਦੇ ਪ੍ਰਸ਼ੰਸਕ ਹਨ। ਪਾਕਿਸਤਾਨ ਦੀਆਂ ਔਰਤਾ ਪਾਕਿਸਤਾਨੀ ਖਿਡਾਰੀਆਂ ਨਾਲੋਂ ਵਿਰਾਟ ਕੋਹਲੀ ਨੂੰ ਜ਼ਿਆਦਾ ਪਸੰਦ ਕਰਦੀਆਂ ਹਨ ਅਤੇ ਵਿਰਾਟ ਕੋਹਲੀ ਦੀ ਤਾਰੀਫ ਕਰਦੀਆਂ ਕਦੇ ਨਹੀਂ ਥੱਕਦੀਆਂ। ਕੋਹਲੀ ਦੇ ਇੱਕ ਫੈਨ ਨੇ ਉਨ੍ਹਾਂ ਨੂੰ ਖੂਨ ਨਾਲ ਚਿੱਠੀ ਵੀ ਲਿਖੀ ਸੀ, ਕਿੰਗ ਕੋਹਲੀ ਨੇ ਇਕ ਇੰਟਰਵਿਊ 'ਚ ਇਹ ਗੱਲ ਦੱਸੀ ਸੀ।

ਪਿਆਰ ਨਾਲ ਕਿਹਾ ਜਾਦਾ ਹੈ ਚੀਕੂ: ਵਿਰਾਟ ਕੋਹਲੀ ਨੂੰ ਪਿਆਰ ਨਾਲ ਚੀਕੂ ਵੀ ਕਿਹਾ ਜਾਦਾ ਹੈ, ਇਹ ਨਾਮ ਉਨ੍ਹਾਂ ਦੇ ਕੋਚ ਨੇ ਬਚਪਨ ਵਿੱਚ ਕੋਹਲੀ ਨੂੰ ਦਿੱਤਾ ਸੀ। ਕ੍ਰਿਕਟ ਖੇਡਣ ਦੇ ਨਾਲ-ਨਾਲ ਕੋਹਲੀ ਕਈ ਭਾਰਤੀ ਬ੍ਰਾਂਡਾਂ ਨੂੰ ਵੀ ਪ੍ਰਮੋਟ ਕਰਦੇ ਹਨ। ਕੋਹਲੀ ਨੇ ਸਾਲ 2017 ਵਿੱਚ ਭਾਰਤੀ ਅਦਾਕਾਰਾ ਅਨੁਸ਼ਕਾ ਸ਼ਰਮਾ ਨਾਲ ਵਿਆਹ ਕੀਤਾ ਸੀ। ਦੋਹਾਂ ਦੀ ਇਕ ਬੇਟੀ ਵੀ ਹੈ, ਜਿਸ ਦਾ ਨਾਂ ਵਾਮਿਕਾ ਹੈ।

ਸਚਿਨ ਤੇਂਦੁਲਕਰ ਦਾ ਉੱਤਰਾਧਿਕਾਰੀ: ਵਿਰਾਟ ਕੋਹਲੀ ਨੂੰ ਕ੍ਰਿਕਟਰਾਂ ਵਿੱਚ ਸਚਿਨ ਤੇਂਦੁਲਕਰ ਦੇ ਉੱਤਰਾਧਿਕਾਰੀ ਵਜੋਂ ਜਾਣਿਆ ਜਾਂਦਾ ਹੈ। ਵਿਰਾਟ ਕੋਹਲੀ ਦੇ ਨਾਮ 506 ਅੰਤਰਰਾਸ਼ਟਰੀ ਮੈਚਾਂ ਵਿੱਚ 77 ਸੈਂਕੜੇ ਹਨ। ਉਹ ਸਚਿਨ ਤੇਂਦੁਲਕਰ ਤੋਂ ਬਾਅਦ ਸਭ ਤੋਂ ਵੱਧ ਸੈਂਕੜੇ ਲਗਾਉਣ ਵਾਲੇ ਦੁਨੀਆ ਦੇ ਦੂਜੇ ਖਿਡਾਰੀ ਹਨ। ਪ੍ਰਸ਼ੰਸਕਾਂ ਨੂੰ ਉਮੀਦ ਹੈ ਕਿ ਵਿਰਾਟ ਕੋਹਲੀ ਯਕੀਨੀ ਤੌਰ 'ਤੇ ਸਚਿਨ ਤੇਂਦੁਲਕਰ ਦੇ ਸੈਂਕੜਿਆ ਦੇ ਰਿਕਾਰਡ ਨੂੰ ਤੋੜ ਦੇਣਗੇ। ਫਿਲਹਾਲ ਵਿਰਾਟ ਕੋਹਲੀ ਸ਼ਾਨਦਾਰ ਫਾਰਮ 'ਚ ਹੈ, ਵਿਰਾਟ ਨੇ ਹਾਲ ਹੀ 'ਚ ਸ਼੍ਰੀਲੰਕਾ 'ਚ ਆਯੋਜਿਤ ਏਸ਼ੀਆ ਕੱਪ 2023 'ਚ ਪਾਕਿਸਤਾਨ ਖਿਲਾਫ ਸੈਂਕੜਾ ਲਗਾਇਆ ਸੀ। ਵਿਰਾਟ ਕੋਹਲੀ ਅਗਲੇ ਮਹੀਨੇ ਹੋਣ ਵਾਲੇ ਆਈਸੀਸੀ ਵਿਸ਼ਵ ਕੱਪ 2023 ਲਈ ਭਾਰਤੀ ਟੀਮ ਦਾ ਹਿੱਸਾ ਹਨ।