ਹੈਦਰਾਬਾਦ:ਲਗਭਗ 2 ਮਹੀਨਿਆਂ ਦੀ ਸਖ਼ਤ ਕਾਰਵਾਈ ਤੋਂ ਬਾਅਦ ਇੰਡੀਅਨ ਪ੍ਰੀਮੀਅਰ ਲੀਗ (IPL) ਦਾ 2022 ਸੀਜ਼ਨ ਆਪਣੇ ਆਖਰੀ ਪਲਾਂ 'ਤੇ ਪਹੁੰਚ ਗਿਆ ਹੈ। ਜਿੱਥੇ ਐਤਵਾਰ ਨੂੰ ਨਰਿੰਦਰ ਮੋਦੀ ਸਟੇਡੀਅਮ 'ਚ ਗੁਜਰਾਤ ਟਾਈਟਨਸ ਅਤੇ ਰਾਜਸਥਾਨ ਰਾਇਲਸ ਖਿਤਾਬੀ ਲੜਾਈ ਲਈ ਆਹਮੋ-ਸਾਹਮਣੇ ਹੋਣਗੇ। ਗੁਜਰਾਤ ਲਈ ਆਪਣੇ ਘਰੇਲੂ ਮੈਦਾਨ 'ਤੇ ਟਰਾਫੀ ਜਿੱਤਣਾ ਉਨ੍ਹਾਂ ਦੇ ਪਹਿਲੇ ਸੈਸ਼ਨ 'ਚ ਸ਼ਾਨਦਾਰ ਵਾਧਾ ਹੋਵੇਗਾ।
ਇਸੇ ਤਹਿਤ ਐਤਵਾਰ ਨੂੰ ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ ਵਿੱਚ ਫ਼ਿਲਮੀ ਐਕਟਰ ਆਮਿਰ ਖਾਨ ਇੰਡੀਅਨ ਪ੍ਰੀਮੀਅਰ ਲੀਗ 2022 (IPL2022) ਦੇ ਫਾਈਨਲ ਮੈਚ ਦੀ ਕੁਮੈਂਟਰੀ ਕਰਨ ਲਈ ਤਿਆਰ ਹਨ। ਜਿੱਥੇ ਉਹ ਆਪਣੀ ਆਉਣ ਵਾਲੀ 'ਲਾਲ ਸਿੰਘ ਚੱਢਾ' ਦਾ ਟ੍ਰੇਲਰ ਰਿਲੀਜ਼ ਕਰਨਗੇ, ਉੱਥੇ ਹੀ ਅਮਿਰ ਖਾਨ ਦੇ ਨਾਲ ਕੁੱਝ ਸਾਬਕਾ ਕ੍ਰਿਕਟਰ ਵੀ ਸ਼ਾਮਲ ਹੋਣਗੇ ਤੇ ਜੋ ਆਈਪੀਐਲ 2022 ਦੌਰਾਨ ਕੁਮੈਂਟਰੀ ਦੀ ਸਟੂਡੀਓ ਵਿੱਚ ਕੁਮੈਂਟਰੀ ਕਰਦੇ ਦਿਖਾਈ ਦੇਣਗੇ।
ਦੱਸ ਦਈਏ ਕਿ ਆਮਿਰ ਖਾਨ ਨੇ ਸ਼ੋਸਲ ਮੀਡਿਆ ਦੇ ਇੱਕ ਨਵੇਂ ਪਲੇਟਫਾਰਮ 'ਤੇ ਕੁਮੈਂਟਰੀ ਪੋਸਟਰ ਸ਼ੇਅਰ ਕੀਤਾ ਹੈ, ਜੋ ਕਾਫ਼ੀ ਜ਼ਿਆਦਾ ਟ੍ਰੈਂਡ ਕਰ ਰਿਹਾ ਹੈ। ਉਥੇ ਹੀ ਆਮਿਰ ਖਾਨ ਦੀ ਕੁਮੈਂਟਰੀ ਸੁਣਨ ਲਈ ਦਰਸ਼ਕ ਹੀ ਕਾਫ਼ੀ ਉਤਸ਼ਾਹਿਤ ਹਨ।