ਹੈਦਰਾਬਾਦ: ਮਸ਼ਹੂਰ ਕੁਚੀਪੁੜੀ ਡਾਂਸਰ ਸ਼ੋਭਾ ਨਾਇਡੂ, ਜਿਸ ਨੂੰ ਪਦਮ ਸ਼੍ਰੀ ਨਾਲ ਸਨਮਾਨਿਤ ਕੀਤਾ ਗਿਆ, ਦਾ ਮੰਗਲਵਾਰ ਦੇਰ ਰਾਤ ਦੇਹਾਂਤ ਹੋ ਗਿਆ। ਸੂਤਰਾਂ ਨੇ ਦੱਸਿਆ ਕਿ ਇੱਕ ਨਿੱਜੀ ਹਸਪਤਾਲ ਵਿੱਚ ਦਾਖ਼ਲ ਨਾਇਡੂ ਨੇ ਮੰਗਲਵਾਰ ਨੂੰ ਰਾਤ ਇੱਕ ਵਜੇ ਆਖ਼ਰੀ ਸਾਹ ਲਿਆ। ਉੱਪ ਰਾਸ਼ਟਰਪਤੀ ਵੈਂਕਈਆ ਨਾਇਡੂ ਨੇ ਸ਼ੋਭਾ ਨਾਇਡੂ ਦੀ ਮੌਤ 'ਤੇ ਸੋਗ ਪ੍ਰਗਟ ਕੀਤਾ ਹੈ।
ਤੇਲੰਗਾਨਾ ਦੇ ਮੁੱਖ ਮੰਤਰੀ ਕੇ.ਆਰ. ਚੰਦਰਸ਼ੇਖਰ ਰਾਓ ਨੇ ਕੁਚੀਪੁੜੀ ਡਾਂਸਰ ਸ਼ੋਭਾ ਨਾਇਡੂ ਦੀ ਮੌਤ 'ਤੇ ਸੋਗ ਪ੍ਰਗਟ ਕਰਦਿਆਂ ਕਿਹਾ ਕਿ ਉਨ੍ਹਾਂ ਨੂੰ ਕੁਚੀਪੁੜੀ ਦੀ ਮਸ਼ਹੂਰ ਡਾਂਸਰ ਵੱਜੋਂ ਯਾਦ ਕੀਤੀ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਦੇ ਸੱਤਿਆਭਾਮਾ ਅਤੇ ਪਦਮਾਵਤੀ ਦੀਆਂ ਭੂਮਿਕਾਵਾਂ ਨੂੰ ਹਮੇਸ਼ਾ ਯਾਦ ਰੱਖਿਆ ਜਾਵੇਗਾ। ਇਸ ਤੋਂ ਇਲਾਵਾ ਅਦਾਕਾਰ ਚਿਰੰਜੀਵੀ ਨੇ ਸ਼ੋਭਾ ਨਾਇਡੂ ਦੀ ਮੌਤ 'ਤੇ ਵੀ ਸੋਗ ਪ੍ਰਗਟ ਕੀਤਾ।
ਉਪ ਰਾਸ਼ਟਰਪਤੀ ਵੱਲੋਂ ਕੁਚੀਪੁੜੀ ਡਾਂਸਰ ਸ਼ੋਭਾ ਨਾਇਡੂ ਦੀ ਮੌਤ ਉੱਤੇ ਸੋਗ ਪ੍ਰਗਟ ਤੁਹਾਨੂੰ ਦੱਸ ਦੇਈਏ ਕਿ ਕੁਚੀਪੁੜੀ ਡਾਂਸਰ ਸ਼ੋਭਾ ਨਾਇਡੂ ਦੀਆਂ ਵੱਡੀਆਂ ਪ੍ਰਾਪਤੀਆਂ ਕੋਰਿਓਗ੍ਰਾਫੀ ਅਤੇ ਡਾਂਸ ਅਤੇ ਵਿਪਨਾਰਾਇਣ, ਕਲਿਆਣ ਸ੍ਰੀਨਿਵਾਸਮ ਅਤੇ ਹੋਰ ਬੈਲੇ (ਡਾਂਸ-ਨਾਟਕਾਂ) ਵਿੱਚ ਅਦਾਕਾਰੀ ਸੀ। ਨਾਇਡੂ ਨੇ ਸੱਤਿਆਭਾਮਾ, ਦੇਵਦੇਵਾਕੀ, ਪਦਮਾਵਤੀ, ਮੋਹਿਨੀ, ਸਾਈਬਾਬਾ ਅਤੇ ਦੇਵੀ ਪਾਰਕਤੀ ਦੀਆਂ ਮੁੱਖ ਭੂਮਿਕਾਵਾਂ ਨਿਭਾਈਆਂ ਹਨ। ਉਸ ਦੀਆਂ ਪੇਸ਼ਕਾਰੀਆਂ ਦੀ ਨਾ ਸਿਰਫ਼ ਦੇਸ਼ ਵਿੱਚ, ਬਲਕਿ ਵਿਦੇਸ਼ਾਂ ਵਿੱਚ ਵੀ ਪ੍ਰਸ਼ੰਸਾ ਕੀਤੀ ਗਈ ਹੈ।
ਸ਼ੋਭਾ ਨਾਇਡੂ ਨੇ ਅਮਰੀਕਾ ਅਤੇ ਬ੍ਰਿਟੇਨ ਸਣੇ ਕਈ ਦੇਸ਼ਾਂ ਵਿੱਚ ਪ੍ਰਦਰਸ਼ਨ ਕੀਤਾ ਹੈ। ਉਨ੍ਹਾਂ ਨੇ ਆਪਣੇ ਜੀਵਨ ਕਾਲ ਦੌਰਾਨ ਬਹੁਤ ਸਾਰੇ ਵਿਦਿਆਰਥੀਆਂ ਨੂੰ ਭਾਰਤ ਅਤੇ ਵਿਦੇਸ਼ ਤੋਂ ਸਿਖਲਾਈ ਦਿੱਤੀ। ਪਦਮ ਸ਼੍ਰੀ ਤੋਂ ਇਲਾਵਾ ਆਂਧਰਾ ਪ੍ਰਦੇਸ਼ ਸਰਕਾਰ ਅਤੇ ਵੱਖ-ਵੱਖ ਵੱਕਾਰੀ ਸੰਸਥਾਵਾਂ ਨੇ ਵੀ ਉਨ੍ਹਾਂ ਦਾ ਸਨਮਾਨ ਕੀਤਾ ਹੈ।
