ਮੁੰਬਈ: ਕਾਫ਼ੀ ਸਮੇਂ ਤੋਂ ਅਕਸ਼ੇ ਕੁਮਾਰ ਸਟਾਰਰ ਫ਼ਿਲਮ 'ਭੂਲ-ਭੁਲਇਆ' ਦੇ ਸੀਕਵਲ ਦੀ ਚਰਚਾ ਹੋ ਰਹੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ, ਫ਼ਿਲਮ 'ਚ ਅਕਸ਼ੇ ਕੁਮਾਰ ਦਾ ਕਿਰਦਾਰ ਕਾਰਤਿਕ ਆਰੀਅਨ ਨਿਭਾਉਣਗੇ। ਹੁਣ ਫ਼ਿਲਮ 'ਚ ਕਾਰਤਿਕ ਆਰੀਅਨ ਦਾ ਪਹਿਲਾ ਲੁੱਕ ਜਾਰੀ ਕੀਤਾ ਗਿਆ ਹੈ।
ਕਾਰਤਿਕ ਆਰੀਅਨ ਦਾ ਲੁੱਕ ਬਿਲਕੁਲ ਉਸੇ ਤਰ੍ਹਾਂ ਦਾ ਹੈ ਜਿਵੇਂ ਕਿ ਅਕਸ਼ੇ ਦੀ 'ਭੂਲ-ਭੁਲਇਆ' ਦੇ ਪਹਿਲੇ ਭਾਗ ਵਿੱਚ ਸੀ। ਕਾਰਤਿਕ ਦਾ ਇਹ ਲੁੱਕ ਸ਼ਾਨਦਾਰ ਤੇ ਮਜ਼ੇਦਾਰ ਹੋੇਵੇਗਾ। ਭੂਸ਼ਨ ਕੁਮਾਰ ਦੇ ਬੈਨਰ ਹੇਠ ਫ਼ਿਲਮ ਦਾ ਨਿਰਮਾਣ ਕੀਤਾ ਗਿਆ ਹੈ। ਅਨੀਸ ਬਾਜ਼ਮੀ ਫ਼ਿਲਮ ਨੂੰ ਡਾਇਰੈਕਟ ਕਰ ਰਹੇ ਹਨ।
ਇੱਕ ਇੰਟਰਵਿਊ ਦੌਰਾਨ ਕਾਰਤਿਕ ਨੇ ਕਿਹਾ, "ਇਸ ਭੂਮਿਕਾ ਲਈ ਉਹ ਕਾਫ਼ੀ ਉਤਸ਼ਾਹਿਤ ਸਨ। ਇਸ ਉਤਸ਼ਾਹ ਦਾ ਮੁੱਖ ਕਾਰਨ ਅਕਸ਼ੇ ਕੁਮਾਰ ਦੀ ਨਿਭਾਈ ਭੂਮਿਕਾ ਨੂੰ ਪਰਦੇ 'ਤੇ ਵਾਪਸ ਨਿਭਾਉਣਾ ਹੈ"। ਖ਼ਬਰਾਂ ਆ ਰਹੀਆਂ ਹਨ ਕਿ, ਫ਼ਿਲਮ ਵਿੱਚ ਅਕਸ਼ੇ ਦੀ ਇੱਕ ਝਲਕ ਦੇਖਣ ਨੂੰ ਮਿਲ ਸਕਦੀ ਹੈ।
ਅਕਸ਼ੇ ਕੁਮਾਰ 2007 ਦੀ ਕਾਮੇਡੀ ਮਨੋਵਿਗਿਆਨਕ ਥ੍ਰਿਲਰ ਫ਼ਿਲਮ 'ਭੂਲ-ਭੁਲਇਆ' ਵਿੱਚ ਮਨੋਵਿਗਿਆਨਕ ਡਾ: ਆਦਿੱਤਿਆ ਸ਼੍ਰੀਵਾਸਤਵ ਦੀ ਭੂਮਿਕਾ ਵਿੱਚ ਨਜ਼ਰ ਆਏ ਸਨ। ਹਾਲਾਂਕਿ ਫ਼ਿਲਮ ਦੇ ਬਾਕੀ ਸੀਨਾਂ ਵਿੱਚ ਉਨ੍ਹਾਂ ਦਾ ਪਹਿਰਾਵਾ ਆਮ ਸੀ ਪਰ ਫ਼ਿਲਮ ਦੀ ਐਂਟਰੀ ਵਿੱਚ ਉਨ੍ਹਾਂ ਦਾ ਇਹੀ ਪਹਿਰਾਵਾ ਸੀ। ਅਜਿਹਾ ਹੀ ਕੁਝ ਕਾਰਤਿਕ ਦੇ ਲੁੱਕ ਨੂੰ ਵੇਖ ਅੰਦਾਜ਼ਾ ਲੱਗਿਆ ਜਾ ਸਕਦਾ ਹੈ।