ਗੋਲਡੀ ਕਰੇਗਾ ਹੁਣ ਅਦਾਕਾਰੀ

ਪਰਮੀਸ਼ ਵਰਮਾ ਨੇ ਇੰਸਟਾਗ੍ਰਾਮ 'ਤੇ ਪੋਸਟ ਸਾਂਝੀ ਕਰ ਕੇ ਦੱਸਿਆ ਹੈ ਕਿ ਗੋਲਡੀ ਦੇਸੀ ਕ੍ਰੂ ਹੁਣ ਅਦਾਕਾਰੀ ਦਾ ਰੁੱਖ ਕਰ ਰਿਹਾ ਹੈ।

ਚੰਡੀਗੜ੍ਹ : ਪੰਜਾਬੀ ਮਿਊਜ਼ਿਕ ਇੰਡਸਟਰੀ 'ਚ ਦੇਸੀ ਕ੍ਰੂ ਬਾਰੇ ਹਰ ਕੋਈ ਜਾਣਦਾ ਹੈ। ਗੋਲਡੀ ਅਤੇ ਸੱਤੇ ਦੀ ਜੋੜੀ ਨੇ ਕਈ ਹਿੱਟ ਗੀਤ ਇਸ ਇੰਡਸਟਰੀ ਨੂੰ ਦਿੱਤੇ ਹਨ। ਪਹਿਲਾਂ ਗੋਲਡੀ ਨੇ ਮਿਊਜ਼ਿਕ ਡਾਇਰੈਕਸ਼ਨ ਤੋਂ ਬਾਅਦ ਗਾਇਕੀ ਵੱਲ ਰੁੱਖ ਕੀਤਾ। ਹੁਣ ਪੰਜਾਬੀ ਇੰਡਸਟਰੀ ਦੀ ਰਵਾਇਤ ਮੁਤਾਬਿਕ ਗੋਲਡੀ ਅਦਾਕਾਰੀ ਵੱਲ ਰੁੱਖ ਕਰ ਰਹੇ ਹਨ।
ਇਸ ਦੀ ਜਾਣਕਾਰੀ ਪਰਮੀਸ਼ ਵਰਮਾ ਨੇ ਆਪਣੇ ਇੰਸਟਾਗ੍ਰਾਮ ਦਿੱਤੀ ਹੈ। ਗੋਲਡੀ ਆਪਣਾ ਅਦਾਕਾਰੀ ਦਾ ਡੈਬਯੂ ਫ਼ਿਲਮ 'ਜਿੰਦ ਮੇਰੀਏ' ਤੋਂ ਕਰ ਰਹੇ ਹਨ।
ਪਰਮੀਸ਼ ਵਰਮਾ ਦਾ ਕਹਿਣਾ ਹੈ “ ਗੋਲਡੀ ਦੇਸੀ ਕਰਿਉ ਆਪਣਾ ਅਦਾਕਾਰੀ ਦਾ ਡੈਬਯੂ ਫ਼ਿਲਮ 'ਜਿੰਦ ਮੇਰੀਏ' ਰਾਹੀਂ ਕਰ ਰਿਹਾ ਹੈ। ਅਸਲ ਜ਼ਿੰਦਗੀ ਦਾ ਬੇਸਟ ਫ਼ਰੈਂਡ ਹੁਣ ਫ਼ਿਲਮ 'ਚ ਵੀ ਬੇਸਟ ਫ਼ਰੈਂਡ ਦਾ ਕਿਰਦਾਰ ਅਦਾ ਕਰੇਗਾ। "

ਇਸ ਫ਼ਿਲਮ ‘ਚ ਪਰਮੀਸ਼ ਵਰਮਾ ਦੇ ਨਾਲ ਸੋਨਮ ਬਾਜਵਾ ਵੀ ਮੁੱਖ ਭੂਮਿਕਾ ਅਦਾ ਕਰ ਰਹੀ ਹੈ। ਫ਼ਿਲਮ ਦਾ ਨਿਰਦੇਸ਼ਨ ਪੰਕਜ ਬੱਤਰਾ ਕਰ ਰਹੇ ਹਨ ਅਤੇ ਇਸ ਫ਼ਿਲਮ ਦੇ ਨਿਰਮਾਤਾ ਪੰਕਜ ਬੱਤਰਾ ਅਤੇ ਓਮਜੀ ਗਰੁੱਪ ਹਨ।