ਮੈਂ ਪੰਜਾਬ ਦੀ ਕੈਟਰੀਨਾ ਕੈਫ਼ ਹਾਂ: ਸ਼ਹਿਨਾਜ਼ ਗਿੱਲ

ਪੰਜਾਬੀ ਇੰਡਸਟਰੀ ਦੀ ਮਾਡਲ ਸ਼ਹਿਨਾਜ਼ ਗਿੱਲ ਬਿਗ ਬੌਸ 13 'ਚ ਐਂਟਰੀ ਕਰ ਚੁੱਕੀ ਹੈ। ਬੀਤੇ ਦਿਨ੍ਹੀ ਜਦੋਂ ਉਸ ਨੇ ਐਂਟਰੀ ਕੀਤੀ ਤਾਂ ਸਲਮਾਨ ਨੇ ਉਸ ਨੂੰ ਸਵਾਲ ਕੀਤਾ ਕਿ ਪੰਜਾਬ ਦੀ ਤੁਸੀਂ ਕੀ ਹੋ? ਇਸ ਦਾ ਜਵਾਬ ਸ਼ਹਿਨਾਜ਼ ਨੇ ਦਿੱਤਾ, "ਮੈਂ ਪੰਜਾਬ ਦੀ ਕੈਟਰੀਨਾ ਕੈਫ਼ ਹਾਂ।"

ਮੁੰਬਈ: ਬਿਗ ਬੌਸ 13 ਦੇ ਘਰ ਵਿੱਚ ਸਿਰਫ਼ ਟੀਵੀ ਅਤੇ ਬਾਲੀਵੁੱਡ ਹੀ ਨਹੀਂ ਬਲਕਿ ਪੰਜਾਬੀ ਮਨੋਰੰਜਨ ਜਗਤ ਦੀ ਮਾਡਲ ਅਤੇ ਅਦਾਕਾਰਾ ਸ਼ਹਿਨਾਜ਼ ਗਿੱਲ ਵੀ ਘਰ 'ਚ ਐਂਟਰ ਕਰ ਚੁੱਕੀ ਹੈ। ਐਂਟਰੀ ਵੀ ਕੁਝ ਇਸ ਤਰ੍ਹਾਂ ਹੋਈ ਕਿ ਰਾਤੋਂ-ਰਾਤ ਹਰ ਕੋਈ ਸ਼ਹਿਨਾਜ਼ ਬਾਰੇ ਸੋਸ਼ਲ ਮੀਡੀਆ 'ਤੇ ਸਰਚ ਕਰ ਰਿਹਾ ਹੈ। ਸ਼ਹਿਨਾਜ਼ ਜਿਵੇਂ ਹੀ ਮੰਚ 'ਤੇ ਆਈ , ਆਪਣੇ ਬੇਬਾਕ ਅਤੇ ਮੱਜ਼ੇਦਾਰ ਅੰਦਾਜ ਦੇ ਚੱਲਦੇ ਛਾ ਗਈ। ਸਲਮਾਨ ਵੀ ਉਨ੍ਹਾਂ ਦੇ ਸਟਾਇਲ 'ਤੇ ਹੱਸਦੇ ਹੋਏ ਨਜ਼ਰ ਆਏ।

ਸ਼ਹਿਨਾਜ਼ ਨੂੰ ਜਦੋਂ ਸਲਮਾਨ ਨੇ ਪੰਜ ਪੁਰਸ਼ ਪ੍ਰਤੀਯੋਗੀ ਦੇ ਨਾਲ ਮਿਲਵਾਇਆ ਤਾਂ ਸ਼ਹਿਨਾਜ਼ ਬੋਲੀ, "ਮੈਂ ਮਲਟੀਟੇਂਲੇਂਟ, ਸਿੰਗਰ, ਅਦਾਕਾਰ, ਮਾਡਲ, ਅਤੇ ਹਾਂ ਪੰਜਾਬ ਤੋਂ ਹਾਂ।" ਫ਼ੇਰ ਸਲਮਾਨ ਨੇ ਪੁੱਛਿਆ,"ਪੰਜਾਬ ਦੀ ਕੀ" ਤਾਂ ਉਹ ਬੋਲੀ "ਮੈਂ ਕੈਟਰੀਨਾ ਕੈਫ਼ ਹਾਂ, ਪੰਜਾਬ ਦੀ।"

ਬਿਗ ਬੌਸ ਦੇ ਜੇਕਰ ਇਸ ਸੀਜ਼ਨ ਦੀ ਗੱਲ ਕਰੀਏ ਤਾਂ ਸੀਜ਼ਨ ਦਾ ਪਹਿਲਾਂ ਹੀ ਦਿਨ ਕਾਫ਼ੀ ਮੱਜੇਦਾਰ ਲੱਗ ਰਿਹਾ ਹੈ। ਇਸ ਵਾਰ ਪ੍ਰਤੀਯੋਗੀਆਂ ਦੇ ਵਿੱਚ ਅਸੀਮ ਰਿਯਾਜ, ਪਾਰਸ ਛਾਬੜਾ, ਸਿਧਾਰਥ ਸ਼ੁਕਲਾ, ਅਬੂ ਮਲਿਕ, ਸਿਧਾਰਥ ਡੇ ਵਰਗੇ ਟੀਵੀ ਅਦਾਕਾਰ ਨਜ਼ਰ ਆਉਣਗੇ। ਉੱਥੇ ਹੀ ਫ਼ੀਮੇਲ ਪ੍ਰਤੀਯੋਗੀਆਂ 'ਚ ਮਾਹਿਰਾ ਸ਼ਰਮਾ, ਰਸ਼ਿਮ ਦਿਸਾਈ, ਦੇਬਲੀਨ ਭੱਟਾਚਾਰਯ, ਸ਼ੇਫ਼ਾਲੀ ਬੱਗਾ, ਸ਼ਹਿਨਾਜ਼ ਗਿੱਲਸ ਆਰਤੀ ਸਿੰਘ, ਦਿਲੀਜੀਤ ਕੌਰ ਅਤੇ ਕੌਇਨਾ ਮਿਤਰਾ ਨਜ਼ਰ ਆਉਣ ਵਾਲੀਆਂ ਹਨ।

ਜ਼ਿਕਰਯੋਗ ਹੈ ਕਿ ਐਲੀ ਮਾਂਗਟ ਨੇ ਵੀ ਇੱਕ ਨਿੱਜੀ ਇੰਟਰਵਿਊ 'ਚ ਕਿਹਾ ਸੀ ਕਿ ਬਿਗ ਬੌਸ ਉਸ ਦੇ ਲਈ ਯਤਨ ਕਰ ਰਿਹਾ ਹੈ। ਇਸ ਸੀਜ਼ਨ ਵਿੱਚ ਹੁਣ ਸ਼ਹਿਨਾਜ਼ ਗਿੱਲ ਆ ਚੁੱਕੀ ਹੈ।