ਕੁਲੀ ਬਣਨਗੇ ਵਰੁਣ ਧਵਨ

32 ਸਾਲਾ ਵਰੁਣ ਧਵਨ ਕੁਲੀ ਨਬੰਰ 1 ਦੇ ਰੀਮੇਕ ਦੀ ਫ਼ਿਲਮ ਕਰਨ ਜਾ ਰਹੇ ਹਨ।

ਮੁੰਬਈ : ਬਾਲੀਵੁੱਡ ਅਦਾਕਾਰ ਵਰੁਣ ਧਵਨ ਨੂੰ ਜਨਮ ਦਿਨ 'ਤੇ ਉਨ੍ਹਾਂ ਦੇ ਪਿਤਾ ਡੇਵਿਡ ਧਵਨ ਨੇ ਇਕ ਖ਼ਾਸ ਤੋਹਫ਼ਾ ਦਿੱਤਾ ਹੈ। ਜੀ ਹਾਂ, ਡੇਵਿਡ ਧਵਨ ਨੇ ਫ਼ਿਲਮ ਕੁਲੀ ਨਬੰਰ 1 ਦੇ ਰੀਮੇਕ ਦਾ ਐਲਾਨ ਕਰ ਦਿੱਤਾ ਹੈ। ਇਸ ਰੀਮੇਕ 'ਚ ਵਰੁਣ ਤੋਂ ਇਲਾਵਾ ਸਾਰਾ ਅਲੀ ਖ਼ਾਨ ਨਜ਼ਰ ਆਵੇਗੀ।
ਟ੍ਰੇਡ ਐਨਾਲਿਸਟ ਤਰਨ ਆਦਰਸ਼ ਨੇ ਟਵੀਟ ਕਰਦੇ ਹੋਏ ਦੱਸਿਆ ਕਿ ਜੁੜਵਾ 2 ਤੋਂ ਬਾਅਦ ਡੇਵਿਡ ਅਤੇ ਵਰੁਣ ਦੀ ਜੋੜੀ ਫ਼ੇਰ ਤੋਂ ਇੱਕਠੇ ਕੰਮ ਕਰਦੇ ਨਜ਼ਰ ਆਵੇਗੀ। ਕੁਲੀ ਨਬੰਰ 1 ਦੇ ਰੀਮੇਕ ਦੀ ਸ਼ੂਟਿੰਗ ਅਗਸਤ 'ਚ ਸ਼ੁਰੂ ਹੋਵੇਗੀ।

ਜ਼ਿਕਰਯੋਗ ਹੈ ਕਿ ਕੁਲੀ ਨਬੰਰ 1 ਫ਼ਿਲਮ 90 ਦੇ ਦਸ਼ਕ ਦੀ ਸੁਪਰਹਿੱਟ ਕਾਮੇਡੀ ਫ਼ਿਲਮ ਸਾਬਿਤ ਹੋਈ ਸੀ। ਉਸ ਵੇਲੇ ਲੀਡ ਰੋਲ 'ਚ ਗੋਵਿੰਦਾ ਅਤੇ ਕਰਿਸ਼ਮਾ ਕਪੂਰ ਸਨ। 25 ਸਾਲ ਪਹਿਲਾਂ ਇਹ ਫ਼ਿਲਮ ਮਹਿਜ਼ 3.5 ਕਰੋੜ 'ਚ ਬਣ ਕੇ ਤਿਆਰ ਹੋਈ ਸੀ। ਜੱਦ ਕਿ ਫ਼ਿਲਮ ਦਾ ਬਾਕਸ ਆਫ਼ਿਸ ਕਲੈਕਸ਼ਨ 23 ਕਰੋੜ ਦਾ ਸੀ।