ਚੰਡੀਗੜ੍ਹ: ਟੀਵੀ ਦੇ ਮਸ਼ਹੂਰ ਐਕਟਰ ਸਿਧਾਰਥ ਸ਼ੁਕਲਾ (Siddharth Shukla) ਹੁਣ ਇਸ ਦੁਨੀਆ ਵਿੱਚ ਨਹੀਂ ਰਹੇ। ਬੀਤੇ ਸ਼ੁੱਕਰਵਾਰ ਮੁੰਬਈ ਦੇ ਓਸ਼ਿਵਾਰਾ ਸ਼ਮਸ਼ਾਨ ਘਾਟ ਵਿੱਚ ਉਨ੍ਹਾਂ ਦਾ ਅੰਤਿਮ ਸੰਸਕਾਰ ਕੀਤਾ ਗਿਆ। ਸਿਧਾਰਥ ਦੀ ਮੌਤ ਨਾਲ ਸੋਸ਼ਲ ਮੀਡੀਆ ਉੱਤੇ ਟੀਵੀ ਸੀਰੀਅਲ ਬਾਲਿਕਾ ਵਧੂ ਟ੍ਰੇਂਡ ਕਰਨੇ ਲੱਗਿਆ ਹੈ। ਦਰਅਸਲ ਇਸ ਸੀਰੀਅਲ ਵਿੱਚ ਕਿਰਦਾਰ ਨਿਭਾਉਣ ਵਾਲੇ ਤਿੰਨ ਮੁੱਖ ਕਲਾਕਾਰ ਹੁਣ ਇਸ ਦੁਨੀਆ ਵਿਚ ਨਹੀ ਰਹੇ।
ਸਿਧਾਰਥ ਦੀ ਮੌਤ ਹੋ ਗਈ। ਸਿਧਾਰਥ ਦੇ ਫੈਨਸ ਵੱਲੋਂ ਸੋਸ਼ਲ ਮੀਡੀਆ (Social media) ਉੱਤੇ ਲੋਕਾਂ ਨੂੰ ਪਿਆਰਾ ਟੀਵੀ ਸੀਰੀਅਲ ਬਾਲਿਕਾ ਵਧੂ ਦੇ ਕੁੱਝ ਪਲ ਸ਼ੇਅਰ ਕਰ ਰਹੇ ਹਨ ਅਤੇ ਨਾਲ ਹੀ ਕਹਿ ਰਹੇ ਹਨ ਕਿ ਸਿਧਾਰਥ ਸ਼ੁਕਲਾ ਦੀ ਮੌਤ ਦੇ ਨਾਲ ਬਾਲਿਕਾ ਵਧੂ ਦੇ ਯੁੱਗ ਦਾ ਅੰਤ ਹੋ ਗਿਆ। ਦੱਸ ਦੇਈਏ ਸੀਰੀਅਲ ਵਿੱਚ ਨਜ਼ਰ ਆਈਆਂ ਸੁਰੇਖਾ ਸੀਕਰੀ ਅਤੇ ਪ੍ਰਤਿਊਸ਼ਾ ਬਨਰਜੀ ਪਹਿਲਾਂ ਹੀ ਦੁਨੀਆ ਨੂੰ ਅਲਵਿਦਾ ਕਹਿ ਚੁੱਕੀਆ ਹਨ।
ਸਿਧਾਰਥ ਦੀ ਮੌਤ ਦਿਲ ਦਾ ਦੌਰਾ ਪੈਣ ਨਾਲ ਹੋਈ ਹੈ। 16 ਜੁਲਾਈ ਨੂੰ ਮਸ਼ਹੂਰ ਅਦਾਕਾਰਾ ਸੁਰੇਖਾ ਸੀਕਰੀ ਨੇ ਰੋਗ ਦੇ ਚਲਦੇ ਦਮ ਤੋੜ ਦਿੱਤਾ ਸੀ। ਇਨ੍ਹਾਂ ਤੋਂ ਪਹਿਲਾਂ ਬਾਲਿਕਾ ਵਧੂ ਵਿੱਚ ਖ਼ੁਸ਼ਮਿਜਾਜ ਦੀ ਭੂਮਿਕਾ ਵਿੱਚ ਨਜ਼ਰ ਆਈਆਂ ਐਕਟਰਸ ਪ੍ਰਤਿਊਸ਼ਾ ਬਨਰਜੀ ਨੇ ਅਪ੍ਰੈਲ 2016 ਵਿੱਚ ਖੁਦਕੁਸ਼ੀ ਕਰ ਲਈ ਸੀ।ਹੁਣ ਕਈ ਯੂਜਰਸ ਇਸ ਨੂੰ ਸੰਜੋਗ ਨਾਲ ਜੋੜ ਦੁੱਖ ਪ੍ਰਗਟ ਕਰ ਰਹੇ ਹਨ।