ਮੁੰਬਈ- ਬਾਲੀਵੁੱਡ ਅਦਾਕਾਰਾ ਪ੍ਰਾਚੀ ਦੇਸਾਈ ਪਹਿਲੀ ਵਾਰ ਇੱਕ ਪੁਲਿਸ ਅਧਿਕਾਰੀ ਦੀ ਭੂਮਿਕਾ ਵਿੱਚ ਨਜ਼ਰ ਆਵੇਗੀ। ਉਹ ਆਪਣੀ ਆਉਣ ਵਾਲੀ ਫਿਲਮ 'ਸਾਈਲੈਂਸ ਕੈਨ ਯੂ ਹੇਅਰ ਇਟ' ਵਿੱਚ ਇਹ ਕਿਰਦਾਰ ਨਿਭਾਉਣ ਜਾ ਰਹੀ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਇਹ ਰੋਲ ਮਜ਼ਬੁਤ ਅਤੇ ਉਤਸ਼ਾਹੀ ਹੈ।
ਪ੍ਰਾਚੀ ਨੇ ਫਿਲਮ ਵਿੱਚ ਆਪਣੇ ਕਿਰਦਾਰ ਬਾਰੇ ਦੱਸਦੇ ਹੋਏ ਕਿਹਾ ਕਿ, ਇੰਸਪੈਕਟਰ ਸੰਜਨਾ ਇਕ ਕਤਲ ਦਾ ਭੇਤ ਸੁਲਝਾਉਂਦੀ ਹੈ। ਉਹ ਇਕ ਅਧਿਕਾਰੀ ਹੈ ਜੋ ਅਸਾਨੀ ਨਾਲ ਪਿੱਛੇ ਨਹੀਂ ਹਟਦੀ। ਉਹ ਬਹੁਤ ਮਜ਼ਬੂਤ ਹੈ ਅਤੇ ਆਪਣੇ ਕੰਮ ਨੂੰ ਸਮਰਪਿਤ ਹੈ। ਉਹ ਮਨੋਜ ਬਾਜਪਾਈ ਦੁਆਰਾ ਨਿਭਾਏ ਏਸੀਪੀ ਅਵਿਨਾਸ਼ ਵਰਮਾ ਦੇ ਕਿਰਦਾਰ ਤੋਂ ਪ੍ਰਭਾਵਿਤ ਹੈ ਅਤੇ ਉਸ ਵਾਂਗ ਬਣਨਾ ਚਾਹੁੰਦੀ ਹੈ। ਦਰਸ਼ਕਾਂ ਨੇ ਮੈਨੂੰ ਪਹਿਲਾਂ ਕਦੇ ਇਸ ਤਰ੍ਹਾਂ ਦੀ ਭੂਮਿਕਾ ਵਿੱਚ ਨਹੀਂ ਵੇਖਿਆ ਹੈ। ਇਸ ਲਈ ਮੈਂ ਉਨ੍ਹਾਂ ਦੀਆਂ ਪ੍ਰਤੀਕ੍ਰਿਆਵਾਂ ਨੂੰ ਜਾਣਨ ਲਈ ਬਹੁਤ ਉਤਸਕ ਹਾਂ।