ਮੁੰਬਈ: ਐਤਵਾਰ ਰਾਤ ਮੁੰਬਈ ਦੇ ਸਬਬ੍ਰਨ ਖੇਤਰ ਦੇ ਇਕ ਪੰਜ-ਸਿਤਾਰਾ ਹੋਟਲ 'ਚ ਬਾਲੀਵੁੱਡ ਅਦਾਕਾਰਾ(Bollywood actress) ਅਤੇ ਉਸ ਦੇ ਸਾਥੀ ਨੂੰ ਨਸ਼ੇ ਦੇ ਨਾਲ ਗ੍ਰਿਫਤਾਰ ਕੀਤਾ ਗਿਆ ਹੈ। ਮੁੰਬਈ ਪੁਲਿਸ ਨੂੰ ਗੁਪਤ ਜਾਣਕਾਰੀ ਮਿਲੀ ਸੀ, ਜਿਸ ਦੇ ਅਧਾਰ 'ਤੇ ਜਦੋਂ ਮੁੰਬਈ ਪੁਲਿਸ ਟੀਮ ਫਾਈਵ ਸਟਾਰ ਹੋਟਲ ਦੇ ਅੰਦਰ ਪਹੁੰਚੀ ਤਾਂ ਬਾਲੀਵੁੱਡ ਦੀ ਇਹ ਅਦਾਕਾਰਾ ਆਪਣੇ ਸਾਥੀਆਂ ਨਾਲ ਆਪਣਾ ਜਨਮਦਿਨ ਮਨਾ ਰਹੀ ਸੀ। ਇਸ ਦੌਰਾਨ ਪਾਰਟੀ 'ਚ ਚਰਸ ਦਾ ਇਸਤੇਮਾਲ ਵੀ ਕੀਤਾ ਜਾ ਰਿਹਾ ਸੀ। ਪੁਲਿਸ ਨੇ ਤੁਰੰਤ ਪਾਰਟੀ ਵਿੱਚ ਮੌਜੂਦ ਅਦਾਕਾਰਾ ਅਤੇ ਉਸਦੇ ਦੋਸਤ ਨੂੰ ਗ੍ਰਿਫ਼ਤਾਰ ਕਰ ਲਿਆ।
ਪੁਲਿਸ ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਅਦਾਕਾਰਾ ਦਾ ਨਾਮ ਨਾਇਰ ਸ਼ਾਹ(Nair Shah) ਹੈ ਅਤੇ ਉਸ ਦੀ ਜਨਮਦਿਨ ਦੀ ਪਾਰਟੀ ਪੰਜ ਤਾਰਾ ਹੋਟਲ ਵਿੱਚ ਚੱਲ ਰਹੀ ਸੀ। ਇਸ ਪਾਰਟੀ ਵਿੱਚ ਉਨ੍ਹਾਂ ਦੇ ਦੋਸਤਾਂ ਤੋਂ ਇਲਾਵਾ ਗੋਆ ਦਾ ਰਹਿਣ ਵਾਲਾ ਇੱਕ ਦੋਸਤ ਆਸ਼ਿਕ ਹੁਸੈਨ ਵੀ ਮੌਜੂਦ ਸੀ, ਜਿਥੇ ਦੋਵੇਂ ਚਰਸ ਦੀ ਵਰਤੋਂ ਕਰ ਰਹੇ ਸੀ। ਸੈਂਟਾਕਰੂਜ਼ ਦੇ ਇਕ ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਦੋਵਾਂ ਨੂੰ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ ਜਿਥੇ ਅਦਾਲਤ ਨੇ ਦੋਵਾਂ ਨੂੰ ਜ਼ਮਾਨਤ ‘ਤੇ ਰਿਹਾ ਕਰ ਦਿੱਤਾ ਹੈ।